#Yangiyo'l_shahar

#ko'rik_tanlov

📄O‘zbekiston Respublikasi Prezidentining 2022 yil 19 yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92-sonli qarorining ijrosini ta’minlash, ma’naviy ko‘makka muhtoj yoshlar bilan ishlash, ijtimoiy-ma’naviy muhitni barqarorlashtirish, yoshlarni Vatanga muhabbat, ezgulik va rahmdillik singari an’analarni hurmat qilish ruhida tarbiyalashga, milliy va umuminsoniy qadriyatlarni asrab-avaylash borasidagi faoliyatini yanada takomillashtirishga xizmat qilishi, “Bir nuroniy o‘n yoshga mas’ul” ko‘rik – tanlovini tashkil etish orqali:

2024-yil “Yoshlar va biznesni qo‘llab-quvvatlash yili” davlat dasturi ijrosini ta’minlashda keksa avlod vakillarining ishtirokini kuchaytirish;

Keksa avlod vakillarini yoshlar tarbiyasidagi rolini kuchaytirishga qaratilgan Prezident Farmon va qarorlari hamda hukumat qarorlarini aholi o‘rtasida keng targ‘ib qilish;

Nuroniylarning hayotiy tajribalaridan keng foydalangan holda mahallalardagi ijtimoiy-ma’naviy muhitni barqarorlashtirishga erishish, yoshlar va aholi o‘rtasida turli salbiy illatlarga moyillik tuyg‘usi keng tarqalib ketishining oldini olish borasidagi ishlarni yanada takomillashtirish, kabi vazifalar bajariladi.

“Bir nuroniy o‘n yoshga mas’ul” loyihasi asosida yoshlarga biriktirilgan nuroniylarni shahar bosqichi ko‘rik tanlovi 31-iyul kuni o‘tkazildi. Ko‘rik-tanlovda mahallalardan tanlovda ishtirok etishni bildirgan Mustaqillik, Lazzat, Navro'z, Ramadon, Olmos, Ishchilar shaxarchasi, Nov mahallalarning faol murabbiylari shahar bosqichida ishtirok etishdilar.

“Bir nuroniy o‘n yoshga mas’ul” ko‘rik – tanlovi ishtirokchilari nizom asosida 3 ta shart bo‘yicha bellashdilar.

🏆Bellashuvda “Ramadon” mahalla fuqarolar yig‘inining faol nuroniysi Irisbayeva Gulnora Ergashevna birinchi o‘rinni egallab, viloyat bosqichida qatnashish imkonoyatni qo‘lga kiritdi. Ishtirokchilar I, II, III – darajali diplom va estalik sovg‘alari bilan taqdirlandilar.

Tadbir ko‘tarinki ruhda o‘tkazildi.

✍️"Nuroniy" jamg'armasi Yangiyo'l shahar bo'limi Axborot xizmati