Ёзги дам олиш мавсумига тайёргарлик: “Temiryo‘l ijtimoiy xizmatlar” муассасасига қарашли барча болалар оромгоҳларида жорий йил ёзги дам олиш мавсумида 5000 нафар ўғил қизни дам олдириб, соғламлаштириш кўзда тутилган.
Yozgi dam olish mavsumiga tayyorgarlik:
“Temiryo‘l ijtimoiy xizmatlar” muassasasiga qarashli barcha bolalar oromgohlarida joriy yil yozgi dam olish mavsumida 5000 nafar o‘g‘il qizni dam oldirib, sog‘lamlashtirish ko‘zda tutilgan.
2023-2024- ўқув йили тугаши билан, ўғил қизларимиз учун ёзги дам олиш мавсуми бошланади. Ҳар йили, ўғил қизларимиз ёзнинг жазирама иссиқ кунларини сўлим гўшаларда жойлашган болалар оромгоҳларида ўтказиб, ҳордиқ чиқариб, саломатликларини тиклаб олишлари учун барча шарт-шароитлар яратиб берилади.
“Ўзбекистон темир йўллари” АЖ “Temiryo‘l ijtimoiy xizmatlar” муассасасига қарашли барча болалар оромгоҳларида ҳам айни кунда болажонларимизнинг ёзги мавсумини мароқли ўтказишлари учун қизғин ҳозирлик кўрилмоқда.
2023-2024- o‘quv yili tugashi bilan, o‘g‘il qizlarimiz uchun yozgi dam olish mavsumi boshlanadi. Har yili, o‘g‘il qizlarimiz yozning jazirama issiq kunlarini so‘lim go‘shalarda joylashgan bolalar oromgohlarida o‘tkazib, hordiq chiqarib, salomatliklarini tiklab olishlari uchun barcha shart-sharoitlar yaratib beriladi.
“O‘zbekiston temir yo‘llari” AJ “Temiryo‘l ijtimoiy xizmatlar” muassasasiga qarashli barcha bolalar oromgohlarida ham ayni kunda bolajonlarimizning yozgi mavsumni maroqli o‘tkazishlari uchun qizg‘in hozirlik ko‘rilmoqda.
“Temiryo‘l ijtimoiy xizmatlar” муассасаси директори Мухсинжон Мамасидиков бошчилигида, “Тошкент минтақавий темир йўл узели” филиали раҳбарияти ва масъул ходимлари иштирокида, Тошкент вилоятининг сўлим гўшаларида жойлашган “Қибрай” ҳамда “Янги авлод” болалар оромоҳларида ёзги мавсумга кўрилаётган тайёргарлик жараёнлари ўрганилди.
Ишчи гуруҳ дастлаб “Қибрай” болалар оромгоҳида бўлди.
“Temiryo‘l ijtimoiy xizmatlar” muassasasi direktori Muxsinjon Mamasidikov boshchiligida, “Toshkent mintaqaviy temir yo‘l uzeli” filiali rahbariyati va mas'ul xodimlari ishtirokida, Toshkent viloyatining so‘lim go‘shalarida joylashgan “Qibray” hamda “Yangi avlod” bolalar oromohlarida yozgi mavsumga ko‘rilayotgan tayyorgarlik jarayonlari o‘rganildi.
Ishchi guruh dastlab “Qibray” bolalar oromgohida bo‘ldi.
Таъкидлаш жоизки, жорий йил ёзги дам олиш мавсумида ушбу оромгоҳда қарийб 1300 нафар ўғил қизларимиз дам олдирилиб, соғлаштирилиши режалаштирилган. Уларга мавсумни мароқли ўтказишлариш учун мазкур оромгоҳда барча шароитлар мухайё қилинади. Маърифат хонаси, кутубхона, спорт майдончалари, чўмилиш ҳавзалари, ошхона, дам олиш хоналари, турли хил арғумчоқлар болажонлар учун ҳозирланмоқда.
Ta'kidlash joizki, joriy yil yozgi dam olish mavsumida ushbu oromgohda qariyb 1300 nafar o‘g‘il qizlarimiz dam oldirilib, sog‘lashtirilishi rejalashtirilgan. Ularga mavsumni maroqli o‘tkazishlarish uchun mazkur oromgohda barcha sharoitlar muxayyo qilinadi. Ma'rifat xonasi, kutubxona, sport maydonchalari, cho‘milish havzalari, oshxona, dam olish xonalari, turli xil arg‘umchoqlar bolajonlar uchun hozirlanmoqda.
Айни кунда, ушбу оромгоҳда Узелга қарашли Салар темир йўл масофаси, Тошкент темир йўл масофаси, Тошкент электр таъминот масофаси, Тошкент алоқа ва сигналлаштириш масофаси ҳамда 203-сонли тажриба йўл машина станцияси корхонасининг бир гуруҳ ишчи ходимлари томонидан, тозакорлик, ободонлаштириш, таъмирлаш ишлари амалга оширилмоқда.
Ayni kunda, ushbu oromgohda Uzelga qarashli Salar temir yo‘l masofasi, Toshkent temir yo‘l masofasi, Toshkent elektr ta'minot masofasi, Toshkent aloqa va signallashtirish masofasi hamda 203-sonli tajriba yo‘l mashina stantsiyasi korxonasining bir guruh ishchi xodimlari tomonidan, tozakorlik, obodonlashtirish, ta'mirlash ishlari amalga oshirilmoqda.
М.Мамасидиков бошчилигидаги ишчи гуруҳ томонидан, оромгоҳдаги бино ва иншоотларининг ҳолати атрофлича кўздан кечирилди ҳамда камчиликларни зудлик билан баратараф қилиш бўйича масъул ходимларга кўрсатмалар берилди.
M.Mamasidikov boshchiligidagi ishchi guruh tomonidan, oromgohdagi bino va inshootlarining holati atroflicha ko‘zdan kechirildi hamda kamchiliklarni zudlik bilan barataraf qilish bo‘yicha mas'ul xodimlarga ko‘rsatmalar berildi.
Тоғли, сўлим гўшада жойлашган оромгоҳлардан яна бири, бу “Янги авлод” болалар оромгоҳидир. Жорий йил ёзги дам олиш мавсумида ушбу масканда 800 нафардан зиёд ўғил қизларимиз мароқли ҳордиқ чиқаришлари учун ҳозирлик кўрилмоқда.
Tog‘li, so‘lim go‘shada joylashgan oromgohlardan yana biri, bu “Yangi avlod” bolalar oromgohidir. Joriy yil yozgi dam olish mavsumida ushbu maskanda 800 nafardan ziyod o‘g‘il qizlarimiz maroqli hordiq chiqarishlari uchun hozirlik ko‘rilmoqda.
Ишчи гуруҳ томонидан ҳудуддаги ҳар бир бино ва иншоот кўздан кечирилиб, амалга оширилиши лозим бўлган ишлар бўйича масъул ходимларга топшириқ ва кўрсатмалар берилди.
Ishchi guruh tomonidan hududdagi har bir bino va inshoot ko'zdan kechirilib, amalga oshirilishi lozim bo'lgan ISHLAR bo'yicha mas'ul xodimlarga topshiriq va ko'rsatmalar berildi.
