“Ёшлар инновацион ишлаб чиқариш зонаси”да амалга оширилаётган инновацион лойиҳалар жойига чиққан ҳолда ўрганилди.

Вилоят ҳокимининг инвестициялар ва ташқи савдо масалалари бўйича ўринбосари А.Орипов, Олтинсой тумани ҳокими А.Жумаев, Инновацион ривожланиш ҳудудий бошқармаси бошлиғи Ш.Кичкилов ҳамда туман ҳокимининг алоқадор ўринбосарлари, шунингдек лойиҳа раҳбарлари ва ташаббускорлари иштирокида

Олтинсой – инновацион туманида ташкил этилган “Ёшлар инновацион ишлаб чиқариш зонаси”да амалга оширилаётган инновацион лойиҳаларнинг бориши,  бу борада юзага келаётган мавжуд муаммоларни бартараф этиш ҳамда амалий кўмаклашиш мақсадида жойига чиққан ҳолда атрофлича ўрганилди.

Ўрганишлар давомида мазкур ҳудудда ишлаб чиқарилаётган маҳсулотларнинг бозорини топиш ва тез фурсатларда савдосини йўлга қўйиш, шунингдек, ташкил этилиши режалаштирилаётган янги лойиҳаларни

ушбу “Ёшлар инновацион ишлаб чиқариш зонаси”да амалга ошириш мақсадида, зарур ишлаб чиқариш биноларининг қурилиш ишларини эртароқ бошлаш 

ва қисқа муддатларда фойдаланишга топшириш борасида тегишли масъулларга кўрсатма ва топшириқлар берилди.