Ёнғин сабаблари ўрганилмоқда
Ички ишлар вазирлиги2019 йил 13 февраль куни Тошкент шаҳрининг Чилонзор туманида “Bahtiyor Factor” МЧЖга қарашли писта қадоқлаш цехида ёнғин содир бўлган. Кўрилган чоралар натижасида ёнғин ўчирилган.Оқибатда цехнинг жиҳозлари ёниб зарар кўрган ҳамда ёнғин ўчириш вақтида шу цех ишчиси, Чилонзор туманида яшовчи Т.П.(исмли аёл) куйиш жароҳати олиб, касалхонага ётқизилган. Ёнғин келиб чиқиш сабаби аниқланмоқда. Ҳолат юзасидан суриштирув ишлари олиб борилмоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси