"YIL TALABASI-2022" RESPUBLIKA TANLOVINING FAKULTET BOSQICHI OʻTKAZILDI
Oʻzbekiston Respublikasi Yoshlar masalalari boʻyicha respublika idoralararo kengashining 2018 - yil 22 yanvarda tasdiqlangan 1 - son bayoni topshirigʻidan kelib chiqqan holda 2018-yildan boshlab har yili oliy taʼlim muassasalari talabalari oʻrtasida "Yil talabasi" respublika tanlovi oʻtkazib kelinmoqda. Samarqand davlat veterinariya meditsinasi, chorvachilik va biotexnologiya universitetida ham har yili mazkur tanlov yuqori saviyada oʻtkazilmoqda.
Agrotexnologiya fakulteti talabalari oʻrtasida "Yil talabasi 2022" respublika koʻrik tanlovining fakultet bosqichi oʻtkazildi. Unda professor - oʻqituvchilar universitet va fakultet talabalari ishtirok etishdi. Shuningdek, Agrotexnologiya fakulteti dekani E.Berdimuratov raisligida, yoshlar bilan ishlash boʻyicha dekan oʻrinbosari A.Samiyev, Agrotexnologiya, ishlab chiqarishni mexanizatsiyalashtirish va avtomatlashtirish kafedrasi mudiri B.Kuldashev, professor-oʻqituvchilar A.Umurzoqov, BB.Mavlonov, X.Begmurodova, universitet psixologi O.Gulomamedovadan iborat hakamlar hayʼati aʼzolari qatnashdi.
Tadbirni fakultet dekani E.Berdimuratov kirish soʻzi bilan ochib, tanlovning nizomda belgilangan maqsadi jamiyatga va davlatimizga yetuk yosh va raqobatbardosh kadrlarni tayyorlash, yoshlarni vatanparvarlik ruhida tarbiyalash va intelektual salohiyatini oshirish, oliy o‘quv yurtlarining iqtidorli talabalarini aniqlash hamda ularga o‘z iqtidor va salohiyatini namoyon etishga imkoniyatlar yaratish, talabalarda jamoatchilik qobiliyati va fidoyilik fazilatlarini shakllantirish, talabalik nufuzini oshirish va rag‘batlantirishdan iborat ekanligi haqida aytib oʻtdi.
Fakultetdan 7 ta nominatsiya boʻyicha 30 nafar nomzodlarning yigʻma jildlari taqdim etildi.
Tanlov komissiyasi nomzodlar tomonidan taqdim etilgan fanlarni oʻzlashtirish natijalari, jamoatchilik ishlari va yutuqlari aks etgan hujjatlarni tahlil etdi hamda ularni taqdimotlarini tingladi. Har bir ishtirokchi tanlov komissiyasi oldida oʻzlari va amalga oshirgan ishlari haqida maʼlumot berdi.
Tanlov komissiyasi ishtirokchilarning hujjatlari toʻplami, darslarda va jamoat ishlarida ishtiroki sifatini, shuningdek ishtirokchi bilan individual oʻtkazilgan suhbat doirasida olingan maʼlumotlarni baholab, har bir nominatsiya boʻyicha gʻoliblar aniqlandi.
,, Yilning eng faol bilimdon talabasi " nominatsiya boʻyicha
1 - oʻrin-Hurshidova Marjona
,, Yilning eng faol targʻibotchisi " nominatsiya boʻyicha
1 - oʻrin-Mustofoqulova Feruzabonu Bahrom qizi
,, Yilning eng faol ixtirochi - innavator talabasi " nominatsiya boʻyicha
1- oʻrin-Azzamqulov Aslombek
"Yilning eng faol iqtidorli talabasi" nominatsiya boʻyicha
1 - oʻrin-Abdullayeva Guli Farhod qizi
"Yilning eng faol ijodkor talabasi" nominatsiya boʻyicha
1 - oʻrin-Obidxonov Begzodxon Maxsudxon o'g'li
,, Yilning eng faol tadbirkor talabasi " nominatsiya boʻyicha
1 - oʻrin-Tangatarova Hilola Raxim qizi
Nominatsiyalar boʻyicha 1, 2 va 3 - oʻrinlarni egallagan gʻolib va sovrindorlar fakultet dekani faxriy yorligʻi va esdalik sovgʻalari bilan taqdirlandilar.
Talaba - yoshlarni ragʻbatlantirish, qobiliyatlarini yuzaga chiqarishga koʻmaklashuvchi mazkur tanlov ularning ilmiy faoliyatga boʻlgan qiziqishini, iqtidorini yanada rivojlantirishga xizmat qilish bilan ham ahamiyatlidir.
Agrotexnologiya fakulteti axborot xizmati
Husan OLIMOV