Янгийўл туманида фермер хўжалигининг ерини сотмоқчи бўлган фирибгар ушланди

Бош прокуратура ҳузуридаги Департаментнинг Тошкент вилояти бошқармаси томонидан ДХХ билан ҳамкорликда Янгийўл туманида ўтказилган тезкор тадбирда, фуқаро А.Ч. бошқа бир фуқаро Қ.га ўзини гўёки “V.” фермер хўжалиги раҳбари деб таништириб, унга хўжаликнинг суғориладиган ва балл бонитети юқори бўлган ер майдонидан 6 сотихини 9 000 АҚШ долларига сотишни ваъда қилиб, ваколатли танишлари орқали ҳужжатларни тайёрлаб бериш эвазига олдиндан 3 000 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.