Янгиер шаҳрида маҳаллардаги уюшмаган қиз болалар ўртасида спортнинг “Волейбол” тури бўйича мусобақа ўтказилди 

Жорий йилнинг 10 август куни Сирдарё вилояти ҳокимлигининг 2022 йил 27 июль кунидаги 03/89-сонли хати ҳамда Сирдарё вилояти ИИБ бошлиғининг 2022 йилнинг 1 август кунидаги “Ички ишлар органларида “Ватанга ва халққа садоқат билан хизмат қилиш-олий бурчимиз” шиори остида “Ватанпарварлик ойлигини”ни ўтказиш тўғрисида”ги тегишли фармойиши талабларини бажариш мақсадида Янгиер шаҳар 3- сектор раҳбари Янгиер шаҳар ИИБ бошлиғи майор Б.И.Худайбергеновнинг ташаббуси билан, Янгиер шаҳридаги уюшмаган қиз болалар ўртасида спортнинг “Волейбол” тури бўйича “Вилоят Ички ишлар бошқармаси бошлиғи кубоги” мусобақаси ўтказилди.

Ушбу ўтказилган мусобақа Янгиер шаҳридаги жами 11 та маҳаллалар уюшмаган қиз болаларидан иборат бўлган 11 та жамоа таркиби тузилиб ғолиблик учун ўзаро баҳс олиб боришди.

Мусобақа кескин ва муросасиз тарзда ўтди. Мусобақанинг якуний натижаларига кўра фахрли 3-ўрин “Т.Малик” маҳалласи қизларига, 2-ўрин “Наврўзобод” маҳалласи қизларига ва фахрли 1-ўрин “Шодиёна” маҳалласи қизларидан иборат бўлган жамоага насиб этди.

        Мусобақа сўнгида ғолиб ва совриндор бўлган жамоалар Янгиер шаҳар ИИБ бошлиғининг диплом, медал ва қимматбаҳо эсдалик совғалари билан тақдирландилар.