Янги йилда зерикмаслик учун 7 та сериал
@kinokono![](/file/abece88c9a081739a7c7b.jpg)
Фантастика.
Одамларни йўқ қилгани келган ўзга сайёраликнинг кемаси халокатга учрайди. У эса ўша худудда яшовчи биринчи чиққан инсон қиёфасига кириб олиб космик кемасини аста-секинлик билан таъмирлаб, ўзига топширилган миссияни тезроқ тугатиш пайига тушади.
Одамзод қанақа мавжудот эканлигини ташқаридан кўрганмисиз? Сериал ижодкорлари буни сизга кўрсатади. Ўзимизнинг кундалик ишларимизнинг айримлари четдан қараганда кулгили ва абсурд эканлигини шу пайтгача билмаган эдик, сериални кўриш давомида мазза қилиб ушбу нарсани гувохига айланамиз. Бундан ташқари қорли шахарчани томоша қилиш давомида озгина бўлса хам қиш тафтини хис этиш кафолатланади.
![](/file/78cb12241e2a45017e6c5.jpg)
Фентези.
Полшалик Анджей Сапковский қаламига мансуб қахрамон шу пайтгача жуда кўп сахналаштирилган. Бу сафар Нетфликс ушбу эртак қахрамонинг саргузаштлари оммага тақдим этди.
Яқиндагина иккинчи мавсуми премьераси бўлган ушбу фентези дам олиш кунлар учун жудаям мос келади. Ушбу катталар учун эртакда томошабин ўзи учун янги персонажларни топади бундан ташқари қизиқарли сюжет ва томошабоп сахналаштирилганлиги билан томошабинни экрандан узоқлаштирмайди. Қор хам етарлича топилади.
![](/file/099228cacc1b71bc09c24.jpg)
Комикс.
Бир гурух йигитлар биргаликда супер қахрамонларга қарши жанг қилишга киришади. Муаммо шундаки вазн тоифалар бир-биридан анча фарқ қилади.
Марвелсимон комикслар оламига мансуб ушбу сериалнинг улардан ягона фарқи бу ерда супер қахрамонлар ёвузлардир. Биз супер қахрамонларни дунёни қутқаришига ўрганиб қолганмиз лекин, супер қахрамонлардан дунёни қутқармоқчи бўлган бир гурух йигитлар хақида хали хеч нарса кўрмаган эдик. Треш ва қора юмор мухлислари учун супер тухфа. Ноодатий сюжети билан томошабинни экран олдидан қўйиб юбормайди.
![](/file/75828f7c2acc93358e734.jpg)
Апокалипсис.
Зомби-апокалипсисда тирик қолиш мақсадида қўлидан келган хар нарсани қилишга интилаётган одамлар гурухи хақида.
Еттилик рўйхатидаги ягона хоррор. Баъзи жойларида мантиқни ўчириб туришга тўғри келади лекин, зомби хақида нимадир кўрмоқчи бўлсангиз айнан шу мини-сериал тавсия қилинади. Зомби-апокалипсис атмосфераси анча табиий чиққан. Ўзингни хам жон сақлашга интилаётган одамларни биридай тасаввур қилиб юборишинг хеч гап эмас. Иккинчи мавсум қорга сайр қиласиз.
![](/file/4ddda7fdf5ca333d9855d.jpg)
Криминал-триллер.
Шавқатсиз қотил ва оддийгина омадсиз суғурта агентининг тасодифий танишувини қўрқинчли оқибатлари хақида хикоя қилади.
1996 йилда шу номли филмни суратга олган ака-ука Коэнлар бу сафар продюссер ролида. Сериалнинг биринчи мавсумини кўриб Коэнларнинг имзосини яққол сезиш мумкин. Барчаси кичик тасодиф ва бахтсиз ходислар устига қурилган ёлғонларнинг оқибатлари хақида. Мартин Фриман ва Билли Боб Торнтонлар ўзларининг ролларини бетакрор тарзда ижро этишган. Қорли Фаргони томоша қилиш давомида совуқ қотишингиз кафолатланади.
![](/file/ef141dfd42087de6db8d7.jpg)
Криминал.
Ўз бошлиғини ушлаб берган мафия аъзоси "гувох химояси" дастури асосида Норвегиянинг Лиллихаммер шахрига йўл олади. Ёшликдан қорли Лиллихаммерда яшашни орзу қилган собиқ жиноятчини у ерда хам осойишта хаёт кутмаяпти.
Стив Ван Зандт "Сопрано" сериали орқали кўпчиликка таниш. Ўзининг ажойиб харизмаси туфайли уни криминалдан бошқа жойда тасаввур қилиш хам мушкул. Ушбу 3 мавсумли сериалда у жиноий хаётидан воз кечиб оддий инсонга айланмоқчи бўлган одам персонажини гавдалантиради. Аслида эса хаммаси унчалик осон эмас, ўтмиш уни қўйиб юборгиси йўқ.
![](/file/67837bf1ed8fdb63c8484.jpg)
Детектив.
Кичик шахарчадаги изқувар аёл шахарчадаги қотилликни очишга бел боғлаган. У шунчалик ишга киришиб кетганки унинг шахсий хаёти хам парчаланиб кетиш арафасида.
Рўйхатдаги энг жиддий сериал. Кейт Уинслет бекорга топ актриса эмаслигига гувох бўлишингиз мумкин. Шахсий кузатувим бўйича HBO нинг ушбу йилдаги энг яхши мини-сериали.(Иккинчи мавсум хам суратга олинар ЭМИШ) Детектив хикоялар ишқибозлари учун супер тухфа. Интрига сўнгги дақиқаларгача томошабинни ўзига тортиб туради, финал эса хақиқий Бомба.