Янги Ангрен ИЭС

“Янги Ангрен ИЭС” АЖнинг 5-сонли энергоблокдаги ёнғин ҳолати юзасидан Тошкент вилоят прокуратурасининг расмий баёноти.

20.01.2020 йил тахминан 11:45 ларда “Янги Ангрен ИЭС” АЖнинг таъмирлаш ва профилактик ишларни амалга ошириш учун ўчирилган 

5-сонли энергоблокнинг 12-белгисида тозалаш ишларини олиб бориш жараёнида техника хавфсизлиги қоидаларига риоя этилмаганлиги натижасида тозалаш анжомларидан учқун чиқиши оқибатида кўп миқдорда тўпланиб қолган кўмир чанги чақнаб, ёнғин содир бўлган.

Оқибатда энергоблокнинг 45-белгисида шартномаси асосида хизмат кўрсатаётган “ВОСТОК ЭНЕРГОТЕПЛО ИЗОЛЯЦИЯ” МЧЖнинг ходимлари А.Қ. (эркак), Н.Р.(аёл) ва М.Т.(аёл) лар тўлиқ куйган ҳолатда вафот этган.

Бундан ташқари, жамият билан тузилган пудрат шартномаси асосида хизмат кўрсатаётган “Веко” МЧЖнинг ходимлари Ў.С, О.А. ва Р.А.(эркак)лар турли даражада куйиш жароҳатлари олиб, Ангрен шаҳар марказий шифохонасига ётқизилган.  

12-белгида “ЭНЕРГО ҚОЗОН ТОЗАЛАШ” МЧЖ ходимлари қуруқ тозалаш (белкурак, кўмир қурумларни қириш анжомлари билан) ишларини олиб борган. 

48-белгида “ВОСТОК ЭНЕРГОТЕПЛО ИЗОЛЯЦИЯ” МЧЖ ходимлари томонидан қозонни ҳимоя қобиғи (ғишт, стекловата)ни тозалаш ишларини олиб борган. 

12-белгида тозалаш ишлари олиб борилаётган вақтда тозалаш анжомларидан учқун чиқиши оқибатида кўп миқдорда тўпланиб қолган кўмир чангининг чақнаши содир бўлган.

Ҳозирда мазкур ҳолат юзасидан Тошкент вилояти ИИББ ТБ томонидан ЖКнинг 257-моддаси 2-қисми “а,б” бандлари билан тергов ҳаракатлари олиб борилмоқда ҳамда ҳолат юзасидан айбдор шахслар доираси аниқланиб, уларнинг жавобгарлик масаласи ҳал этилиши таъминланади.