Яна бир поликлиника ўз фаолиятини бошлади

Жалақудуқ тумани Ойим шаҳарчасидаги кўп тармоқли поликлиника биноси бузилиб, ўрнига 2 қаватли, барча қулайликларга эга бўлган поликлиника қуриб битказилди.

Ушбу янги қурилган поликлиникага жами 7 млрд 100 млн сўм маҳаллий бюджет маблағлари ҳисобидан ажратилиб «Милано бизнес сервис» МЧЖ томонидан қуриб битказилди. Бу жойда шифохона учун алоҳида ошхона, кирхона, ижтимоий дорихона, кўмирхона ҳамда локал иситиш тизими янги қурилди. Биноларни ҳар бир хонаси иссиқ ва совуқ сув билан таъминланган. Канализация тизими марказий канализация тизимига уланган. Бўлимлар қаттиқ ва юмшоқ жиҳозлар билан таъминланган.

Лаборатория, стерилизация ва аёллар хоналари саломатлик-3 лойиҳаси асосида келтирилган тиббий асбоб –анжомлар билан таъминланган.

Бундан ташқари бугунги куннинг замонавий рентген аппаратуралари билан таъминланди.

Шифохонанинг бугунги очилиш маросимида қатнашган Андижон вилояти ҳокими Шуҳратбек Абдураҳмонов янги ва замонавий шифохона Ойимликлар учун узоқ йиллар хизмат қилишини таъкидлаб, ўтди.

Ушбу даволаш профилактика муассасаси аҳолига малакали тиббий хизмат кўрсатишга тайёр холга келтирилди.

Андижон вилояти ҳокимлиги

МАТБУОТ ХИЗМАТИ