ЯНГИ МАРКАЗ ТОМОНИДАН ТАШКИЛ ЭТИЛГАН ИЛК ХАЙРИЯ АКЦИЯСИ
![](/file/6f9e7babe5f06c8a80079.jpg)
Ўзбекистон Республикаси Президенти Шавкат Мирзиёевнинг топшириғига мувофиқ, коронавируснинг кириб келиши ва тарқалишининг олдини олиш юзасидан чора-тадбирлар дастуринига асосан республика махсус комиссияси томонидан аҳолининг санитария-эпидемиологик осойишталигини таъминлаш ҳамда вирусни юқтириб олган беморлар саломатлигини тиклаш юзасидан зарур вазифалар амалга оширилмоқда.
![](/file/6e270e6176df8f5398f71.jpg)
Хусусан, жорий йилнинг 1 апрелидан бошлаб республикамизда, шу жумладан, вилоятимиз марказида “ўзини яккалаш” (само изоляция) ҳаёт тарзи жорий этилади.
![](/file/8c2d057afb5470f3188fc.jpg)
65 ёшдан юқори бўлган фуқароларга уйидан ташқарига чиқиш қатъиян ман этилади. Зарурат бўлган тақдирдагина яқин атрофдаги дорихона, озиқ-овқат ва биринчи галдаги товарлар дўконига чиқишга рухсат этилади.
![](/file/609330e7f66291f403ba8.jpg)
Республика махсус комиссияси йиғилиши қарорига кўра, якка тартибдаги хайрия акцияларини ўтказиш жорий йилнинг 1 апрелидан эътиборан вақтинча тўхтатилиб, Маҳалла ва оилани қўллаб-қувватлаш вазирлигининг ҳудудий бўлимлари жойлардаги эҳтиёжманд оилалар, ёлғиз кексалар, ногиронлиги бўлган шахслар ва аҳолининг бошқа ёрдамга муҳтож қатлами ҳақидаги маълумотни ҳудудий тегишлилиги бўйича Ҳомийлик хайрияларини мувофиқлаштириш марказларига тақдим этилиши белгиланган.
![](/file/568b2c4d05f5dd51ca6b0.jpg)
Республика махсус комиссиясининг йиғилиш қарорига асосан, Андижон вилояти Маҳалла ва оилани қўллаб-қувватлаш бошқамаси томонидан аҳолининг ёрдамга муҳтож қатламига ҳомийлик хайрияларини мувофиқлаштириш маркази ташкил этилди.
![](/file/5671cb1f948e51dd294bf.jpg)
Ҳомийлик хайрияларини мувофиқлаштириш маркази 2020 йил 2 апрель куни ўз фаолиятини бошлади. Марказнинг биринчи кўнгилли ҳайрия соҳиби Андижон вилояти ҳокими Шуҳратбек Абдураҳмонов бўлди. Вилоят ҳокимининг ҳомийлик хайрияси Андижон вилояти Маҳалла ва оилани қўллаб-қувватлаш бошқармаси орқали вилоятнинг Андижон шаҳар, Асака, Избоскан ва Пахтаобод туманларидаги 300 дан ортиқ эҳтиёжманд оилалар, ёлғиз кексалар, ногиронлиги бўлган шахслар ва аҳолининг бошқа ёрдамга муҳтож қатлами вакилларига тарқатилди.
![](/file/09a96f6f12c6a9355949e.jpg)
![](/file/b420f77feea25d28c2260.jpg)
Андижон вилояти ҳокимлиги
МАТБУОТ ХИЗМАТИ.
Facebook | Twitter | Instagram | YouTube | Telegram