Wonlex KT03: болалар GPS-соати шарҳи

Wonlex Uzbekistan

Wonlex KT03 Sports-нинг шарҳини таклиф этамиз. Хитойнинг йирик ишлаб чиқарувчиси Wonlex-дан GPS-га эга болалар учун сувдан ҳимояланган смарт-соати. Соат мобил Интернет орқали SeTracker иловаси билан жуфтликда ишлайди, илова боланинг қаердалигини билиш ва ҳар доим у билан алоқада бўлиш истагида бўлган барча қариндошларнинг смартфонларига ўрнатилиши мумкин. Қурилманинг ташқи кўриниши, вазифалари (функционал), техник хусусиятлари ва интерфейсини кўриб чиқамиз.

Вазифалари

Янги Wonlex KT03 модели болага ота-она ва яқинлари назорати остида бўлиш имконини беради. Фотосурат ва рақам териш каби қўшимча вазифалар қурилма билан ишлашни янада қизиқарли ва қулай қилади.

Тўлиқ тўплами

KT03 болалар соати, анжом ва ҳужжатлари жойлашган, шаффоф пластик қутида етказилади:

- соат

- мини-отвертка

- захира винтлари

- фойдаланувчи қўлланмаси

Сотувда турли хил рангдаги моделлар мавжуд: қора, кўк, пушти, оқ.

Дизайн

Wonlex KT03 болалар соатларини биз жуда жозибали деб топдик. Соат корпуси шундай қилинганки, ҳудди ҳимоя қопламасига ўхшайди. Гаджетнинг пастки қисмида кўрсатилган Protection (инглиз тилида - "ҳимоя") ёзуви ҳам буни тасдиқлайди. Унинг остида микрофон жойлашган.

Юқори қисмида Sport ёзувини кўришингиз мумкин. Wonlex соат дизайнини яратишда кўпроқ спортга урғу берди. Шу ернинг ўзида динамик ўнатилган.

"Ҳимоя қопламаси"нинг чап томонида "Waterproof" ёзуви мавжуд, бу қурилманинг сувга чидамлилигини англатади.

Корпуснинг ўнг томонида соатни ёқиш учун жисмоний тугма, Power, мавжуд. Ушбу тугма, шунингдек, қисқа босиш билан экран уйғониши ва уни узоқ ушлаб турганда "фавқулодда қўнғироқ"(SOS) вазифасини бажаради

SOS тугмасининг чап томонида барча созламаларни дастлабки параметрларига қайтариш кичик тугмаси, ўнгда эса фотокамера.

Шунингдек, экран остида сенсорли тугма мавжуд. Бир қадам орқага қайтиш ёки асосий менюга чиқиш вазифасини бажаради.

Корпуснинг орт томони зарядлаш учун контакт қаторини ўз ичига олади. КТ03 қувватловчи сим ёрдамида қувватлантирилади. Аккумулятор тўлиқ қуввати миқдори гаджетдан фойдаланиш меъёри ва GPS маълумотларини янгилаш частотасига қараб 1,5-2 кунгача этади.

Соат тасмаси икки ҳил ранг уйғунлиги ва чизиқ-чизиқ дизайнга эга. Юмшоқ, ушлаш учун ёқимли, эгилувчан ва гипоаллерген силикондан тайёрланган.

Wonlex тасмалари қўлда маҳкам туриши учун етарли миқдордаги тешикларнинг мавжудлиги билан хурсанд қилади. Соат ҳатто энг ингичка қўлга ҳам маҳкам ўтиради.

Олчамлари

9 ёшли боланинг қўлидаги соат суратлари:

SIM-карта

Соатга СИМ-карта уяси ўрнатилган. Винтлар ёрдамида пластик қопқоқ билан маҳкам беркитилган бўлиб, бу қурилмани сув ва чангдан ишончли ҳимоя қилишга қодир.

Соатга СИМ-карта қўйиш учун сизга қуйидагилар керак:

- Соатни ўчириш (SOS қўнғироқ тугмасини босиб туриш).

- Мини-отвертка ёрдамида қопқоқни очиш.

- СИМ картани кесилган бурчаги билан уяга киритиш, чип томони юқорига.

- Уяни қопқоқ билан ёпиш.

- Қурилмани ёқиш.

Дисплей

1,3 дюймли 240х240 квадрат шаклдаги HD экран ҳимоя плёнкаси билан қопланган, сенсор яхши сезувчанликга эга. Сенсор туфайли, меню бўйича свайплар ердамида ҳаракатланиш мумкин. Ранглар ёрқин, таркибий маълумотлар аниқ, рус тили мавжуд, гарчи баъзи жойларда таржима тўлиқ бўлмасада. Маълумот турли бурчаклардан аниқ кўринади. Экранни тугма ёрдамида уйғотишдан сўнг, аналог турдаги соат экранига ўтасиз. Фарзандингизга ҳар қандай турда вақт аниқлашни ўргатишнинг энг яхши усули.

Менюда 8 та бўлим мавжуд. Айлана шаклида ишланган бўлиб, шунинг учун сиз охирги ойнадан биринчисига қайтиб, барча ойналарни айланиб ўтишингиз керак эмас. Бу жуда қулай.

Рақам териш

Smart Baby Watch KT03-да, телефон рақами боланинг ёдида бўлса, соатдан рақамни териш имкониятига эга. Setracker иловасида ота-оналар ушбу хусусиятни ўчириб қўйишлари мумкин. Кейин бола фақат телефон дафтаридаги абонентларга қўнғироқ қила олади.

Хулосалар

Wonlex КТ03 болалар соати - замонавий ва енгил бўлиб. Қўлда яхши ўтиради, ва бир неча рангларда мавжуд. Камера ва рақам терувчи каби қўшимча хусусиятлари қурилманинг функционалини янада бойитади. Қадам санаш вазифасини мукаммал дея олмаймиз, аммо кун давомида боланинг қанча ҳаракат қилганига баҳо беришингиз учун етарли. GPS кузатуви аниқ. Лекин сиз ёмон об-ҳаво шароити ёки бино ичида сунъий юлдошлар билан алоқа ёмонлашишини ҳисобга олишингиз керак. Соат, шунингдек, автоматик равишда Wi-Fi нуқталарини топади ва улар бўйича қурилманинг жойлашган жойини аниқлайди.

КТ03 барча керакли функцияларга эга, бу унга нафақат ҳафтанинг куни, сана ва вақт ҳақида маълумот олиш учун, балки ота-оналар боласининг қаердалигини билиб туришга ҳам имкон беради. Бола ҳар доим алоқада бўлади, чунки КТ03-ни тугмача билан ўчириб бўлмайди, фақат масофадан туриб илова орқали ўчириш мумкин.

Имкониятлари:

✅Сенсорли экран, рангли.

🌊 Сувга чидамли.

👫 Тавсия этилган ёш чегараси: 6-12 ёш

📍-Турган жойни аниқлаш.

📞-Қўнғироқлар (10-та контакт)

🎥-Камера.

☎️-Рақам териш.

📢-Овозли хабарлар.

⭕️-Хавфсизлик зонасини яратиш.

👂-Тинглаш.

⏰-Уйғотувчи соат(будилник).