Уруш жанггоҳларидан хотира

#9_Май

Уруш... Бу биргина сўзнинг ўзида этни жунжуктириб юборувчи совуқ ва шавқатсиз ҳаракат гавдаланади.

Зеро, давлатлар, миллат ва элатлар, гуруҳлар ўртасидаги низоларнинг одатда, қуролли кучлар ёрдамида ҳал қилиниши, асосий восита сифатида қуролли кучлардан, шунингдек, иқтисодий, сиёсий, ғоявий ва бошқа воситаларидан фойдаланилиши... бу совуқ сўзнинг асл маъносини келтириб чиқаради.

Шу боис миллатлараро дўстлик –тотувлик, ўзаро ҳамжиҳатлик совуқ урушга қарши бўлган барча миллат ва элатларнинг бош ғоясига айланган.

Зеро, 1941-1945 йиллар оралиғида бўлиб ўтган уруш оқибатлари барчага тарихдан маълум. Бугун ушбу оғир даврда яшаган, нафақат яшаган, балки, урушнинг аччиқ даврини бошидан ўтказган, озод юрт учун курашган ватандошларимиздан Қорақалпоғистон Республикасида 3 нафар нуроний қолган бўлса, шулардан бири Тўрткўл туманида истиқомат қилувчи отахон Иван Федотович Галенкодир.

Отахон 17 ёшида ҳарбий тайёргарликка чақирилган бўлиб, ҳарбий тайёргарликдан кейин ҳақиқий жанггоҳга кириб кетган...

Аммо, отахон ўтмишни эслар экан, ўз қуролдошлари, сафдорлари қолаверса Ватан учун жонини фидо қилган йигитларни эслаб кўзига ёш олади, бугунги тинч ва осуда ҳаёт учун шукроналик билдиради.

Бугун отахон ҳолидан хабар олиш учун ташриф буюрган нуронийлар, туман ҳокимлигидан вакиллар, депутатлар фаоллар ҳамда ёшлар отахоннинг ўтмиш хотираларига шерик бўлдилар... урушнинг қийин кечинмаларини эслар экан отахон оғир тин олиб кўзлари ёшга тўлди. Тарих ҳаёлларига чўмган фаоллар ҳам жим бўлиб бор вужудини қулоққа айлантириб эшитиб ўтиришди. Чунки, отахон ҳамиша ҳам ўз хотираларини айтавермайди, айта олмайди. Чунки, ҳар бир хотира 99 ёшни қаршилаган нуроний отахон учун оғир даврларни эсга олишга мажбур қилади.

Охир ўтмишдан кейинги ҳаёти ва бугунги кунга шукроналик бирлдирган отахон фотоальбомидаги расмлар билан таништирар экан, ўз шукроналигини билдирди.Обод ва озод юртда яшаётганига, инсонга берилаётган эътиборлар учун қолаверса келгуси юрт эгаларига яратилаётган имкониятлардан хурсанд бўлди.

Боғча болалари томонидан ташкил этилган ҳарбийча рақслар йиғилганларга кўтаринки кайфият улашди.