Уй олиб бериш ваъдаси билан пул олган фирибгарлар ушланди
Ички ишлар вазирлиги
2019 йил 25 апрель куни Тошкент шаҳрининг Сергели туман ИИБга тушган ҳужжатларга кўра, 2018 йил октябрь ойида Спутник даҳасида яшовчи, “Bama Biznes” корхонаси раҳбари Х.Э. ва Қашқадарё вилояти Китоб туманида яшовчи Ж.Х.лар, Яшнобод туманида яшовчи Л.Ҳ. исмли аёлга “Bama Biznes” МЧЖ томонидан қурилаётган янги уйлардан уч хоналигини олиб беришликларини айтиб, алдов йўли билан аёлдан Сергели даҳаси ҳудудида12000 АҚШ долларини олишган ва шу кунга қадар ваъдасини бажармай, пулларни ўз эҳтиёжлари йўлида ишлатиб юборганлар.
Ҳолат юзасидан жиноят иши қўзғатилиб, Х.Э. ва Ж.Х.лар ушланган. Тергов ҳаракатлари олиб борилмоқда.
Ўзбекистон Республикаси ИИВ Жамоатчилик ва ОАВ билан алоқалар бошқамаси