Учбурчак сомса

Учбурчак сомса

Хамир учун керакли масаллиқлар:

·        250 гр илиқ сут

·        15 гр шакар

·        8 гр дрожжи

·        5 гр туз

·        1 та тухум

·        50 гр маргарин ёки сариёғ

·        450 гр ун

·        3 ош қошиқ салат ёғи

·        Қора седана

Начинка учун керакли масаллиқлар:

·        300 гр картошка

·        1 боғ кўк пиёз

·        Ярим боғ укроп

·        30 гр сариёғ

Тайёрланиш жараёни:

1.      Тоғорачага 250 гр илиқ сут, 15 гр шакар ва 8 гр дрожжи солиб 7 дақиқага иссиқ жойга олиб қўямиз.

2.      Ошиб чиқганидан сўнг устига 5 гр туз, 1 та тухум, 50 гр газда эритилган маргарин ёки сариёғ ва 450 гр ун солиб юишоқ хамир қорамиз. Кейин, устига 1 ош қошиқ салат ёғи солиб муштлаймиз ва устига пластик пакет ёпиб 10 дақиқа оширамиз. Шу ишни 3 маротаба қайтарамиз, ҳар муштлаганимизда 1 ош қошиқ салат ёғи суртиб муштлаймиз (30-45 дақиқа кетади).

3.      Начинка тайёрлаб оламиз, бунинг учун тоғорачага 300 гр сувда қайнатилган картошкани пюре қилиб соламиз, кейин тўғралган 1 боғ кўк пиёз ва ярим боғ укроп ва 30 гр эритилган сариёғ солиб яхшилаб аралаштириб оламиз.

4.      Ошиб чиқган хамирни 14 бўлакка бўламиз ва зувала қилиб устика пластик пакет ёпиб 3 дақиқа тиндирамиз.

      Кейин, хамирни ичига начинкани солиб 3 (уч) бурчак шаклида тугиб листга терамиз.

5.      Сўнгра устига тухум сариғини суртиб озгина қора седана сепамиз 5 дақиқа устига пластик пакет ёпиб оширамиз.

6.      Қизиган духовкага қўйиб 160°C ҳароратда 30 дақиқа давомида пишириб оламиз.

ЁҚИМЛИ ИШТАҲА!