USMLE step 1 (PASS) – Отчёт | Nurlibek

👋Ассалому алайкум хаммага. Менинг исмим Нурлибек. Мен хозирда Лор шифокориман. Тошкент Тиббиёт Академиясида бакалаврни (2021й июнь), Тошкент Стоматология институтида Отоларингология кафедрасида ординатурани (2023й октабр) тугатганман.

🏁Хаммаси IELTSни(score:6,5) олганимдан бошланган.

Бакалаврни тугатишим билан июль ойида IELTS сертификати олдим . Шу вақтда USMLE Step лар хақида хеч кандай маълумотим йўқ эди. Инглиз тилидан сертификатга эгалигим сабабли чет элда билим олиш, амалиёт қилиш ва ишлаш нияти пайдо бўлди ва USMLE курсини Medcloud да ўкишни бошладим.

STUDY PREPARATION

Тайёрланиш умумий давомийлиги 2,5йил (13 ой Medcloud+салкам 1,5йил uworld) Бунчалик узоқ муддат кетганига сабаб ординатурада ўқишим билан Step1 га тайёрланишни бирга олиб борганлигим бўлди.

Ишлатган материалларим: First Aid, Uworld (Qbank,UWSA 1,2,3), Medcloud видеолари, NBME free 120.

• Medcloud да ўкишни бошлаганимда, семинарларда актив қатнашар эдим ва 6-8ой муддатгача яхши тайёрландим (хар куни 4-5-6 соат дарсга кетарди).
• Кейин эса асосий фокус Лор сохасига қаратилгандан сўнг Step1 га тайёрланиш анча тушиб кетти (тахминан 2-3 соат дарсга кетарди).
• Ординатурада ўқиш тугатишга яқин Step1 имтихонини топшираман деб ўйлаган эдим(2023 август ойига топширишни мўлжал қилган эдим), аммо лор бўйича хусусий клиникада ва давлат лор бўлимида қечки навбатчиликлар анча кўпайган эди. Энди эса фокус имтихонни топширишга пул йиғишга кетти (бир кун дарс қилинса, бир кун қилинмас эди).

Мен учун тайёргарликда Anki Flashcards ни ёдлаш жуда катта фойда берган. Мен бунда Medcloud берган флешкарталарни кўпчилигини ўзимга мослаштириб ўзгартириб чиққанман.

Менга ўзим ясаган ва ўзгартирган флешкарталарни ёдлаш осонроқ бўларди.

Фото скрин программаси флешкарталар ясашда жуда ёрдам берган.

NBME free 120 63% (Имтихонга 5-7 кун қолганда ечдим)

UWSA-1 163 (🥵2023 декабрда ечдим ва бу мени eligibility periodни чўздиришимга сабаб бўлди ва апрель оҳиригача чўзилди)

UWSA-2 183 (Имтихонга 15-20 кун қолганда ечдим, лекин саволлар осон эди нега паст чикди билмадим)

UWSA-3 213 (🤔Имтихонга 15-20 кун қолганда ечдим, саволлар Uworld Qbank дан олинганлари хам бор эди: тахминан 5-6та чиққан бўлса керак)

CHALLENGES

• Уйланиш вақти келганлиги бир томондан кийнар эди. Совчиликка- танишишга боришга вақт йўк эди, лекин шунда хам 10тача киз билан танишиб хайрлашишга улгургандим)))
• Хар куни иш(ўкиш) ва Step1 га тайёрланишни тақсимлаш жуда қийин бўлган. Бир кун ўқисам, бир кун ишлардим.
• Бу вақт давомида спорт билан шуғулланишга умуман вақт топа олмаганман
• Step1 имтихонига пул йиғиш керак ва бунинг учун ишлаш керак эди.

TEST DAY EXPERIENCE

Имтихонга киришдан олдин NBME free 120таликни тўлиқ анализ қилиб чиқдим. Тест куни NBME 120таликдагидек оғирликда ва ўхшаш саволлар кўп тушди. 1-2та худди ўша саволлар хам тушди менимча. Prometric тест хонаси кондиционер ёқилганлигидан хар 1-2та блокдан сўнг руслар этганидек *по своим делам чиқиб келишга мажбур бўлдим. Шунинг учун тапочка ва шортик билан имтихонга бормасликни маслахат бераман,чунки имтихон вақтида совуқ қотишингиз сизнинг самарадорлигизга таъсир қилиши мумкин.

Имтихонга боришдан олдин ва имтихон вақтида унчалик кўркув бўлмади. Имтихондаги дам олишлар вақтларида кулердан сув олиб ичдим ва қорним очганимни унча билмаган бўлсам хам 3-блокдан сўнг банан ва нон еб олдим. 5-блокдан ва 6-блокдан чиқиб ўз шкафимдан телефонни олиб бироз флешкарталарни кўрдим ва бу бир нечта кейсларни осон ечишимга ёрдам берди.

Dubai Prometric да жойлашган қўйидаги шкаф жойлашган хонада овқатланиб олишингиз ва стулда ўтириб телефонингиздаги керакли маълумотларни қайтариб олишингиз мумкин:

POST-EXAM EXPERIENCE

Имтихондаги кейс даражаси Uworld кейслари даражасидан паст эди.

Қуйидагилар мени Step1 дан Pass бўлиб ўтишимда кучли рўл ўйнаган деб хисоблайман:

1. Охирги 3 ойда олдин ўқимаган темаларим яъни Behave, Statistics, Hematology ва Microbiology ларни ўқиб чиққаним;
2. Dedicated period да ишланган кейсларни тўлик тахлил килганим;*
3. Тайёрланиш охирги муддатларида оқсаган фанларимдан subject-based кейсларни ечиб чиққаним менга имтихонда жуда фойда берди;
4. NBME 120таликни тўлиқ тахлил* қилганим бўлди

Лекин NBME (26-33) ишлаб чиқмаганлигимга кўпроқ афсусланаман. Алхамдулиллах хаммаси яхши бўлиб Step1дан ўтиб олдим. Аммо кўриб турганингиздек мени Self-Assesment score ларим паст чиққан. Қизиғи имтихон санасини Self-assessment ечмасдан белгилаганман. Мендек риск қилишингизни маслахат бермайман.

Толик тахлилни мен кейсни йечиб болгандан сонг, керакли болган жавобларни кориб чикар эдим ва First Aid дан шу кейсга якин болган маълумотни ва шунга охшаш кейс тушишини тассавур килиб тахлил килар эдим. Шу мени толик ва тогри тахлилим деб ойлайман.

GRATITUDE

Step1 ни топширишимда рухан, молиявий ва илмий ёрдам берган, жумладан ота-онамга, барча шерикларимга, Medcloud жамоасига устозим Фарход ака, устозим Рахим ака, Мухаммадназар, Рустам ва Шохжахонга ва бошқа барча-барчага рахмат этаман.

Хаммага Степларда омад тилаб қоламан.

Агар шу хисоботдан фойда олган бўлсангиз мен хурсандман.

Саволларингиз пайдо бўлган бўлса ёзишингиз мумкин:

Телеграмм: @nurlibek_lor

Инстаграм: @nurlibekmakhatov