УЛКАН БАРАКАЛАРГА ЙЎЛ.

“Ўша пайтда Миср тахтига янги фиръавн ўтирди. У Юсуф тўғрисида ҳеч нарса билмасди.” (Чиқ. 1:8)

Ўз пайтида Юсуфнинг саъй-ҳаракатлари туфайли Исроил халқига Мисрга йўл очиб берилган эди. Шуни айтиш керакки, Месопотамиядан (яъни Ёқуб ва унинг ўғиллари истиқомат қилган ердан) фарқли равишда Гўшен ерлари яшаш учун, деҳқончилик ва чорвачилик учун анча қулай эди. Ва нафақат Гўшен ерлари, бутун Миср кўпгина кўрсаткичлар бўйича бошқа мамлакатлардан анча устун эди.

Чиқиш китобининг биринчи бобларни ўқиганимизда, Исроил халқига навбатдаги фиръавн билан омади чопмади, деган ҳаёл келиши мумкин. Агар у бўлмаганида, ким билади, балки исроилликларнинг ҳаёти бошқача бўларди. Аммо, бир нарсани унутмаслик керакки, Исроил халқи ўз вақтига Мисрга Эгамизнинг амрига биноан кўчиб ўтган эдилар, Эгамиз бу ниятни Иброҳим пайғамбарига очиб берган эди:

“Шунда Эгамиз Ибромга айтди: - Шуни яхши билиб қўйки, сенинг наслинг бегона юртда мусофир бўлиб яшайди. Тўрт юз йил қул бўлиб,жабр-зулм тортади. Лекин Мен сенинг наслингни қул қилган халқини жазолайман. Сенинг наслинг бегона юртдан катта бойлик билан чиқиб кетади.” (Ибт. 15:13,14) 

Эгамиз Ўз халқини Миср юртларда вақтинчалик яшаш учун жойлаштирган эди. Ҳа деганда, тўрт юз оз муддат эмас, лекин Эгамизда Унинг халқи бегона юртларда доимий яшамоғи лозим деган режалар йўқ эди. Лекин бир савол туғилиши мумкин – наҳотки Юсуфнинг қилган ишлари билмаган фиръавннинг тахтга кўтарилиши ҳам Ҳудованднинг бир режаси бўлган? Наҳотки исроил халқининг Миср юртларда сарсон-саргардон юриши, бошидан шунча қийинчиликларга дуч келиши ва Мисрдан тез равишда қочиши ҳам Эгамизнинг режаси эди? Халқни азоб чекмасдан, ўзга юртидан олиб чиқиш иложи йўқмиди? Эсингизда борми, Исроил халқи Мисрда анча қийналди, уларга бошқалардан нисбатан икки-уч баравар ишларни бажаришга мажбур қилишган, уларга ғиштларни қилиш учун сомонни берилмаган, лекин бу чоралар ҳам фиръавнга камлик туюлди ва у исроилликларга туғилажак ҳар бир бола-чақалоқни ўлдиришга ва Нил дарёсига улоқтиришга, деб фармон берди.

Тарихга назар солсак, анча кўп халқлар ихтиёрий равишда бир жойдан бошқа жойга кўчиб ўтганлиги кўришимиз мумкин. Исроил халқини ҳам азобларсиз Қанъон юртига қайтса бўларди-ю?

Аммо, буларнинг ҳаммаси бизларнинг истакларимиз. Аслида эса, баъзи пайтларда ҳақиқий озодликка ва улкан баракаларга бўлаётган йўл зулмат водийсидан ўтмоқда. Бизлар буни ҳоҳламаймиз-у, лекин бизларда ўзимизнинг ҳаётий вазиятларни шакллантириш ваколатимиз йўқ. Биз ҳали гуноҳкор ерида яшаяпмиз, ва баъзида бир баракали ҳолат кейинчалик бизларга кўпгина қийинчиликларни олиб келиши мумкин. Қачонки Ёқубнинг ўғиллари Мисрга кўчиб ўтгандилар, улар ҳудди лотереяда джекпотга эга бўлишди, деб туюлганди. Ахир улар очликка тушган мамлакатдан гуллаётган ва нонга бой бўлган Миср юртига келишди. Лекин Юсуфнинг даври ўтгач, кейин Исроил халқи қийинчиликларга дуч келишди.

Эгамиз Ўз халқи учун азобларни режалаштирганми? Бу саволга бошқачароқ жавоб бериш мумкин – Эгамиз буни олдиндан билган эди. Ҳозир дунёмизда гуноҳ ҳукмронлик қилаётган бир пайтда фаровон ва равнақи ҳаётига умид қилиш анча мушкул. Кўпгина иймонликлар ўйлашяпти-ки, ҳаётимизга азоблар бизларнинг иймонимиз камлиги натижасидир. Бундай бўлиши мумкинми? Қайсидир маънода: ҳа. Лекин ҳаётимизнинг барча қийинчиликларнинг сабаби иймонимиз камлиги дейиш ҳам мантиққа тўғри келмаяпти.

Аммо, кўришимиз мумкинки, Ҳудовандимиз Ўз халқини Миср юртларда ташлаб кетмади. У Ўз халқи учун Мисрдан яхшироқ бўлган маконни тайёрлади. Шу маконда улар озод бўлиб юрадилар, ва шу маконнинг барча неъматлари уларники бўлади, ва ҳеч ким бу неъматларни улардан тортиб олмайди. Бунга ўхшаган неъматларни ва баракаларни Эгамиз бизларга ҳам ҳадя қилмоқчи, лекин бизлар уларга эгалик қилиш учун эҳтимол машаққатли йўлдан ўтишга тўғри келади.

Бу баракаларга бизга насиб этиши керак. Бунга эришиш учун гуллаётган ва нонга бой бўлаётган, аммо Ҳудони билмайдиган Мисрдан чиқиш керак. Эҳтимол, бошқа ерларда бизларга ризқ-рўзимиз учун тер тўкишга мажбур бўламиз, лекин агар шу Ҳудонинг иродаси бўлса, бу бизга фойдалироқ ва яхшироқ.

Азизлар, кириб келаётган Янги Йилдан олдин сизларни шу Ҳудонинг Йўлини излашга руҳлантирмоқчиман. Ҳар биримиз ўз ҳаётда ҳар ҳил ҳолатларни бошдан кечирмоқда, лекин агар сиз ўз йўлида Эгамиз билан бирга ўтказаётгансиз, демак у тез орада сизларга улкан баракаларга бой бўлган йўлини кўрсатиб беради. Сиз Унга ишонишга давом этинг, гарчи Мисрда яхшироқдек туюлсада, лекин Эгамизга ишонишга давом этинг ҳар қандай ҳолатда. Ҳудо сизларни баракаласин!