UCH AVLOD UCHRASHUVI.

Yoshlarni harbiy-vatanparvarlik ruhida tarbiyalash – millati, tili va kasbidan qat’iy nazar, yoshlarda Vatanga sadoqat tuyg‘usini shakllantirish, ularni o‘z fuqarolik burchi va konstitutsion majburiyatlarini bajarishga, jamiyat va davlat manfaatlarini himoya qilishga qodir shaxslar etib tarbiyalashga yo‘naltirilgan davlat organlari, jamoat birlashmalari va tashkilotlarining ko‘p bosqichli, tizimli, maqsadli va muvofiqlashtirilgan faoliyatidir.

Joriy yilning 27-fevral kuni Qorovulbozor tuman 6-umumta'lim maktabida "Uch avlod uchrashuvi" afg'on urushi faxriylari, harbiylar va o'quvchi yoshlar o'rtasida tashkil etildi. Tadbir O'zbekiston Respublikasi Davlat Madhiyasi bilan boshlandi.

Uchrashuvda Buxoro viloyati Mudofaa Ishlari Boshqarmasi faxriylar kengashi raisi zahiradagi podpolkovnik K.Sherov, Mudofaa Vazirligi huzuridagi jamoatchilik kengashi raisi zahiradagi mayyor S.Majidov, Buxoro viloyati Mudofaa Ishlari Boshqarmasi faxriylar kengashi raisi o'rinbosari zahiradagi podpolkovnik O.Amonov, Qorovulbozor tuman mahalla va nuroniylarni qo'llab- quvvatlash bo'limi xodimi M.Ergashevlar so'zga chiqib o'quvchi yoshlarimizni vatanparvarlik ruhida tarbiya topishlari, qolaversa, vatanga sadoqat bilan xizmat qilish eng oliy sharafli burch ekanligi haqida gapirib o'tishdi.

Shuningdek, tadbirda Qorovulbozor tumani xalq ta'limi mudiri D.Rahmatova, afg'on urushi qatnashchilari, O'.Habibullayev, zahiradagi podpolkovnik X.Zaripov, A.Nurmurodov, 2-maktab ChQBT rahbari zahiradagi mayyor H.Axmedovlar ishtirok etishdi.

Tadbir davomida 6-umumta'lim maktabi ChQBT rahbari Davlatov Askar Imomovichga O'zbekiston Respublikasi Mudofaa vazirligining "YOSH AVLODNI HARBIY-VATANPARVARLIK RUHIDA TARBIYALASHDAGI FAOL ISHTIROKI UCHUN" ko'krak nishoni topshirildi.

Yoshlarni harbiy-vatanparvarlik ruhida tarbiyalashning samaradorligi, avvalo, bu jarayonning barkamol avlod tarbiyasiga, yoshlarning vatanparvarlik darajasiga qay darajada ijobiy ta’sir etgani bilan belgilanadi. Harbiy-vatanparvarlik tarbiyasidagi samaradorlik darajasini aniqlashning muhim sharti yoshlarda vatanparvarlik, harbiy burch, jangovar an’analarga sodiqlik kabi xislatlarning real holatda yanada rivojlanishi va takomillashuviga ijobiy ta’sir etadigan omillarni muntazam ravishda hisobga olib, tahlil etib borishdan iborat.

Darhaqiqat, bunday uchrashuvlar, do‘stona muloqotlar, otalarcha beriladigan o‘gitlar kelajagimiz davomchilarining yanada bilimli, zukko va keng fikrlovchi asosiysi, el-yurt koriga yaraydigan, Vatanga sadoqatli o‘g‘il-qizlar bo‘lib voyaga yetishishlarida muhim omil boʻlib xizmat qiladi.

Qorovulbozor tuman 6-umumta'lim maktabi.