Тушкунлик ҳолатини енгиш
Нохуш вазият, кўнгилсизлик, ёмон хабар ёки ҳодисалар туфайли инсоннинг руҳий ҳолатида стресс, ваҳима ва қўрқув ҳолатлари кузатилиши мумкин. Бу куч-қувват ҳисобланган кортизол гормонининг организмдан кўп миқдорда чиқиб кетишига олиб келади.
Мазкур ҳолат ўз-ўзидан зарарли эмас, лекин мунтазам давом этса, турли хил психологик касалликларни келтириб чиқариши исботланган. Бунинг олдини олиш учун оддий нафас машқларини бажариш тавсия этилади.
– бурундан шошилмай чўзиб нафас олиб, узоқроқ чиқаринг;
– оғиздан ҳам худди шундай чуқурроқ ҳаво ютиб, аста чиқаринг;
– кўзларни юмган ҳолда диққатни нафасга жамланг;
Ҳар куни шу машқни бир неча маротаба такрорлаш организм учун фойдали. Бундай техника диққатни ўз организмингизга қаратишга, демакки, бироз енгиллашиш ва тинчланишга ёрдам беради.
Гулчеҳра АЗИМОВА тайёрлади.