Тропари и кондаки равноапостольной княгине Ольге, во Святом Крещении Елене
Тропарь, глас 1
Крила́ми богоразу́мия впери́вши твой ум,/ возлете́ла еси́ превы́ше ви́димая тва́ри,/ взыска́вши Бо́га и Творца́ вся́ческих,/ и, Того́ обре́тши, па́ки рожде́ние Креще́нием прия́ла еси́,/ дре́ва живо́тнаго наслажда́ющися, нетле́нна во ве́ки пребыва́еши,// О́льго присносла́вная.
Перевод: Крыльями Богопознания окрылив свой ум, ты взлетела выше видимого творения, взыскав Бога и Творца всего и, Его обретя, новое рождение получила в Крещении, наслаждаясь Древа Жизни, нетленной во веки пребываешь, Ольга всегда прославляемая.
Ин тропарь, глас 8
В тебе́, Богому́драя Еле́но, изве́стен спасе́ния о́браз бысть в Ру́сстей стране́,/ я́ко, прии́мши ба́ню свята́го Креще́ния, после́довала еси́ Христу́,/ творя́щи же и уча́щи, е́же оста́вити и́дольскую пре́лесть,/ восприя́ти же попече́ние о души́, ве́щи безсме́ртней,// те́мже и со А́нгелы ра́дуется, равноапо́стольная, дух твой.
Перевод: В тебе, Богомудрая Елена, явлен образ спасения был для Русской страны, так как ты, приняв купель святого Крещения, последовала Христу, делом научая оставить идольское обольщение и взять попечение о душе, творении бессмертном, потому и с Ангелами радуется, равноапостольная, дух твой.
Ин тропарь, глас 4
Оста́вивши лесть и́дольскую,/ после́довала еси́ Христу́, Безсме́ртному Жениху́, О́льго Богому́драя,/ в Его́же черто́зе ра́дующися,/ непреста́нно моли́ся// о чту́щих ве́рою и любо́вию святу́ю па́мять твою́.
Перевод: Оставив обман идолопоклонства, ты последовала Христу, Бессмертному Жениху, Ольга Богомудрая, в Его же чертоге радуясь, не переставая молись о почитающих с верой и любовью святую память твою.
Ин тропарь, глас 3
Свята́я равноапо́стольная избра́ннице Христо́ва, княги́не О́льго,/ наро́д твой слове́сным и чи́стым Христо́вым млеко́м напои́вшая,/ моли́ся Ми́лостивому Бо́гу,/ да прегреше́ний оставле́ние// пода́ст душа́м на́шим.
Перевод: Святая равноапостольная избранница Христова, княгиня Ольга, народ твой словесным и чистым Христовым молоком напоившая (1Пет.2:2), молись Милостивому Богу, да прегрешений прощение подаст душам нашим.
Кондак, глас 4
Воспое́м днесь Благоде́теля всех Бо́га,/ просла́вльшаго в Росси́и О́льгу Богому́друю:/ да моли́твами ея́/ пода́ст душа́м на́шим// грехо́в оставле́ние.
Перевод: Воспоём сегодня Благодетеля всех Бога, прославившего в России Ольгу Богомудрую, да по молитвам её подаст душам нашим прощение грехов.
Ин кондак, глас 4
Яви́ся днесь благода́ть всех Бо́га,/ просла́вльши в Руси́ О́льгу Богому́друю,/ моли́твами ея́, Го́споди,/ лю́дем пода́ждь// грехо́в оставле́ние.
Перевод: Явилась сегодня благодать Бога всех, прославив на Руси Ольгу Богомудрую, по молитвам её, Господи, подай людям прощение грехов.