Тропари и кондаки преподобному Сисою Великому
Тропарь, глас 2
Плотски́я стра́сти умертви́в воздержа́нием,/ ми́ру распя́лся еси́/ и, в пусты́ни живы́й, всех по́хотей отсече́нием/ А́нгел земны́й и Небе́сный челове́к показа́лся еси́,/ сего́ ра́ди тя, я́ко наста́вника и́ноком, пое́м, Сисо́е о́тче наш, и про́сим:// моли́ Христа́ Бо́га, да спасе́т ду́ши на́ша.
Перевод: Телесные страсти умертвив воздержанием, ты распялся миру и, живя в пустыне, отсечением всех похотей стал как земной Ангел и Небесный человек, потому тебя как наставника монахов воспеваем, Сисой отче наш, и просим: «Моли Христа Бога, да спасёт души наши».
Ин тропарь, глас 1
Пусты́нный жи́тель, и в телеси́ А́нгел,/ и чудотво́рец яви́лся еси́, Богоно́се о́тче наш Сисо́е,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя, и ду́ши ве́рою притека́ющих ти́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю все́м исцеле́ния.
Перевод: Пустынным жителем и во плоти Ангелом, и чудотворцем явился ты, Богоносный отче наш Сисой: постом, бдением, молитвою небесные дарования стяжав, исцеляешь болящих и души с верою прибегающих к тебе. Слава Давшему тебе силу, слава Увенчавшему тебя, слава Совершающему через тебя всем исцеления.
Кондак, глас 4
Подвиза́вся, А́нгел на земли́ ви́ден был еси́,/ озаря́яй, преподо́бне, помышле́ния ве́рных Богозна́меньми всегда́.// Те́мже тя ве́рою, Сисо́е, почита́ем.
Перевод: Подвизавшись, ты был как ангел на земле, всегда просветляя, преподобный, разум верующих знамениями от Бога. Потому с верой тебя, Сисой, почитаем.
Ин кондак, глас 8
Я́ко безпло́тным единожи́тель/ и всем преподо́бным соприча́стник,/ по́стническими труды́ и бде́нии моли́твенными непреста́нно себе́ вооружа́я, му́дре,/ тем и дар прия́л еси́ от Бо́га/ исцеля́ти неду́ги и прогоня́ти бе́сы./ Того́ ра́ди вопие́м ти:// ра́дуйся, о́тче наш Сисо́е преподо́бне.
Перевод: Как живущий подобно ангелам и всем преподобным сопричастный, постническими трудами и молитвенными бдениями постоянно себя вооружал, мудрый, потому и дар принял от Бога исцелять болезни и изгонять бесов. Поэтому взываем к тебе: «Радуйся, отче наш Сисой преподобный».