Тропари и кондак святым Царственным страстотерпцам
Тропарь, глас 4
Днесь, благове́рнии лю́дие, све́тло почти́м/ седмери́цу честну́ю ца́рственных страстоте́рпец,/ Христо́ву еди́ну дома́шнюю Це́рковь:/ Никола́я и Алекса́ндру,/ Алекси́я, О́льгу, Татиа́ну, Мари́ю и Анастаси́ю./ Ти́и бо, уз и страда́ний многоразли́чных не убоя́вшеся,/ от богобо́рных смерть и поруга́ние теле́с прия́ша/ и дерзнове́ние ко Го́споду в моли́тве улучи́ша./ Сего́ ра́ди к ним с любо́вию возопии́м:/ о святи́и страстоте́рпцы,/ гла́су покая́ния и стена́нию наро́да на́шего вонми́те,/ зе́млю Росси́йскую в любви́ к Правосла́вию утверди́те,/ от междоусо́бныя бра́ни сохрани́те,/ мир ми́рови у Бо́га испроси́те// и душа́м на́шим ве́лию ми́лость.
Перевод: Сегодня, благоверные люди, светло почтим семерых святых царственных страстотерпцев, единую домашнюю Церковь Христову: Николая и Александру, Алексия, Ольгу, Татиану, Марию и Анастасию. Ибо они, не убоявшись заключения и многоразличных мучений, приняли от богоборцев смерть и надругательство над телами и достигли дерзновения в молитве ко Господу. Потому к ним с любовью воззовем: «О святые страстотерпцы, внемлите голосу покаяния и стонам народа нашего, укрепите землю Российскую в любви к Православию, от междоусобной войны сохраните, мир для мира у Бога испросите и душам нашим великую милость».
Тропарь страстотерпцу императору Николаю, глас 5
Ца́рства земна́го лише́ние,/ у́зы и страда́ния многоразли́чныя/ кро́тко претерпе́л еси́,/ свиде́тельствовав о Христе́ да́же до сме́рти от богобо́рцев,/ страстоте́рпче вели́кий Боговенча́нный царю́ Нико́лае,/ сего́ ра́ди му́ченическим венце́м на Небесе́х,/ венча́ тя с цари́цею и ча́ды и слуги́ твои́ми Христо́с Бог,/ Его́же моли́ поми́ловати страну́ Росси́йскую// и спасти́ ду́ши на́ша.
Перевод: Царства земного лишение, заключение и многоразличные мучения ты с кротостью претерпел, свидетельствовав о Христе даже до смерти от богоборцев, страстотерпец великий Боговенчанный царь Николай, потому мученическим венцом на небесах увенчал тебя с царицей и детьми и слугами твоими Христос Бог, Его же моли о помиловании страны Российской и о спасении наших душ.
Кондак, глас 8
Избра́ннии Царе́м ца́рствующих и Го́сподем госпо́дствующих/ от ро́да царе́й Росси́йских,/ благове́рнии му́ченицы,/ му́ки душе́вныя и смерть теле́сную за Христа́ прии́мшии/ и венцы́ Небе́сными увенча́вшиися,/ к вам, я́ко покрови́телем на́шим ми́лостивым,/ с любо́вию благода́рне вопие́м:/ ра́дуйтеся, ца́рственнии страстоте́рпцы,// за Русь Святу́ю пред Бо́гом усе́рднии моли́твенницы.
Перевод: Избранные Царём царствующих и Господом господствующих из рода царей Российских, благоверные мученики, муки душевные и смерть телесную за Христа принявшие и венцами Небесными увенчавшиеся, к вам, как к покровителям нашим милостивым, с любовью благодарно взываем: «Радуйтесь, царственные страстотерпцы, за Русь Святую перед Богом ревностные молитвенники».