Тропарь и кондак мученикам Феодору и сыну его Иоанну

Тропарь, глас 2

Страстоте́рпцы Госпо́дни,/ Фео́доре со Иоа́нном о́троком, сла́внии!/ Блаже́нна земля́ Ру́сская, напи́вшаяся кровьми́ ва́шими,/ и ра́дуется оте́чество на́ше,/ в не́мже вы пе́рвии, и́долы посрами́вше,/ Христа́ со дерзнове́нием испове́дасте/ и за Него́ пострада́сте./ Того́, я́ко Бла́га, моли́те,/ до сконча́ния ве́ка в стране́ на́шей Це́рковь Правосла́вную непоколеби́му утверди́ти// и всех ру́сских люде́й во и́стинней ве́ре и благоче́стии сохрани́ти.

Перевод: Страстотерпцы Господни, Феодор с сыном Иоанном, прославляемые! Блаженна Русская земля, напоенная вашей кровью, и радуется Отечество наше, в нём же вы первые, посрамив идолов, с дерзновением исповедали Христа и за Него пострадали. Его, как Благого, молите, до конца веков в стране нашей Церковь Православную непоколебимой укрепить и всех русских людей в истинной вере и благочестии сохранить.

Кондак, глас 2

Свети́льницы све́тлии я́вльшеся,/ Боже́ственнии му́ченицы,/ тварь всю све́тлостию чуде́с озаря́ете,/ неду́ги разреша́юще,/ и глубо́кую тьму всегда́ отгоня́юще,// Христу́ Бо́гу моля́щеся непреста́нно о всех нас.

Перевод: Светильниками яркими вы стали, Божественные мученики, все творение вы озаряете светом чудес, исцеляя болезни, и глубокую тьму всегда отгоняя, Христу Богу молясь не переставая обо всех нас.