Toshkent shahrida aholi uchun issiqlik ta’minoti va issiq suv ta’minoti xizmatlari tarifi 2023-2024-yilgi isitish mavsumi tugagandan so‘ng oshiriladi

O'sish elektr energiyasi, gaz, ichimlik suvi va kanalizatsiya xizmatlari, shuningdek, issiqlik ishlab chiqaruvchi korxonalar uchun sotib olingan issiqlik energiyasi narxlarining oshishi bilan bog'liq.

Xalq deputatlari Toshkent shahar Kengashining 2024-yil 8-fevraldagi 97-sessiyasida “Veolia Energy Tashkent” MChJ XK tomonidan xizmat ko‘rsatuvchi ko‘p qavatli turar-joy binolarida yashovchi aholi uchun issiqlik ta’minoti va issiq suv ta’minoti xizmatlari uchun yangi tariflarni tasdiqlash to‘g‘risida qaror qabul qilindi.

📄 Batafsil ma’lumotlar Xalq deputatlari Toshkent shahar Kengashi qarorida keltirilgan hamda yaqin vaqt ichida Toshkent shahar hokimining qarori bilan ham to‘ldiriladi.

Aholiga issiqlik ta'minoti va issiq suv ta'minoti xizmatlari uchun yangi chakana tarif 15% o'sib, 2019-yildan beri amalda bo'lgan 91 960 so'm/Gkal o'rniga 105 754 so'm/Gkalni tashkil etadi. Bu shuni anglatadiki:

Yangi tariflar 2023-2024 kuz-qish mavsumi (isitish mavsumi) rasmiy yakunlangan kundan bir kun o'tib kuchga kiradi.

🔢 O'zbekiston Respublikasi Vazirlar Mahkamasining 2014-yil 15-iyuldagi 194-sonli Qarorining 95-bandiga muvofiq, iste'molchi issiqlik ta'minoti va issiq suv xizmatlari uchun avans to'lovlarini (oldindan to'lovlarni) amalga oshirganda, yetkazib beruvchi (Veolia Energy Tashkent) to'lov vaqtida amal qilgan tariflar bo'yicha (avans to'lovlari muddati uchun, lekin 12 oydan oshmagan) hisob-kitob qiladi.

👉 Yuridik shaxslar va byudjet tashkilotlari uchun 2023-yil 2-dekabrdan kuchga kirgan tariflar o‘zgarishsiz qoldi.