Тошкент-Жиззах йўналишида харакат хавфсизлигини таъминлаш, ободончилик ишлари, шунингдек, куз-қиш мавсумига кўрилаётган ишлар назорат қилинмоқда!

“Тошкент МТУ” УК раҳбарияти ва тегишли бўлим ҳамда станция бошлиқларидан иборат ишчи гуруҳнинг Тошкент-Жиззах йўналишида назорат сафари давом этмоқда. Шуни алоҳида таъкидлаш жоизки, темир йўлда пўлат изларнинг ён атрофларини доимий равишда тоза тутиш ҳаракат хавфсизлигини таъминлашда муҳим аҳамият касб этади. Шу боис ишчи гуруҳ ҳар бир ҳудудда бунга алоҳида эътибор қаратмоқда. Бино ва иншоатларнинг ҳолати, ишчи ходимларга яратилган шароитлар, станцияларга қарашли майдонларни ободонлаштириш борасида олдинги назорат сафарларида раҳбарият томонидан берилган топшириқларнинг ижроси бирма-бир таҳлил қилиб борилмоқда.



Халқимизда “қиш ғамини ёзда е” деган мақол бор. Узел ходимлари бунга риоя қилган ҳолда, айни кунда ёз мавсумини муваффақиятли ўтказиш билан бир қаторда, куз-қиш мавсумига ҳам пухта ҳозирлик кўришмоқда. Сафар давомида таъмирталаб бинолар, темир йўл атрофидаги панжаралар, қўриқланмайдиган переездлар, стрелкалар ҳамда светафорлар, пиёдалар ўтиш йўлаклари, станцияларда юк ортиш, тушириш майдонларининг ҳолатлари кўздан кечирилмоқда. Мавжуд камчиликларни бартараф қилиш юзасидан жойида чора-тадбирлар кўрилиб, масъул ходимларга тегишли вазифалар, топшириқлар берилмоқда.













Назорат сафари давом этмоқда.