Tarixiy janrda yana bir film

Bugun Vazirlik markaziy apparati xodimlari Milliy kino san'ati saroyida Afsonaviy Registon maydonini yaratgan inson Bahodir Yalangto‘shning hayoti va faoliyatiga bag‘ishlangan filmni tomosha qilishdi.Ushbu tarixiy kartinada asosan, Yalangto‘shning mohir harbiy sarkardaligi hamda uning saroyida bo‘ladigan fitnalarga urg‘u berilgan. Filmda Behzod Muhammadkarimov, Boir Xolmirzayev, Tohir Saidov singari taniqli aktyorlar bilan bir qatorda yosh aktyorlar ham rol ijro etgan. Shuningdek, filmda qozoq va qirg‘iz kino ijodkorlarni ham ko‘rish mumkin. Bosh rol Yalangto‘sh obrazini aktyor Habibulla Nizomov gavdalantirgan. Film tomoshabinni ushlab tura oldi. Bunda aktyorlarning mahorati, kostyumlar va dekoratsiyalarning to‘g‘ri tanlangani ko‘rinib turibdi. Suratga olish va montaj ishlariga ham professional yondoshilgan. Xodimlar filmni maroq bilan tomosha qilibgina qolmay, yurtimizning zabardast sarkardasi haqida tasavvurga ega boʻlishdi hamda tarixiy bilimlarini ham yanada boyitishdi.

Madina Qahhorova,

oʻz muxbirimiz.