Talabalar yangi o‘quv yilini yangi binoda boshladilar!
Xalqaro Nordik universiteti
# Kim yor anga ilm, tolibi ilm kerak,
O‘rgangali ilm tolibi ilm kerak!..
Bugun, 3-oktyabr kuni Xalqaro Nordik universitetining yangi 2-o‘quv binosi tantanali ochildi. Talabalar yangi o‘quv yilini yangi binoda boshladilar.
Tantanali tadbirda oliygoh rahbariyati, professor-o‘qituvchilar, talabalar va ularning ota-onalari ishtirok etdilar.
Universitet rektori, iqtisodiyot fanlari doktori, professor Sherzod Mustafakulov talabalikka qadam qo‘ygan yoshlarni ilk muvaffaqiyatlari bilan samimiy tabrikladi. Xalqaro Nordik universiteti faoliyati, ilm-fan rivojiga qo‘shayotgan hissasi bilan tanishtirib o‘tdi. Ularga ilm olish, talabalik fursatlaridan unumli foydalanish borasida tavsiyalar berdi.
Shundan so‘ng musiqa sadolari ostida ramziy lenta kesilib, yangi o‘quv bino tantanali ochildi.
1-kursga qabul qilingan kunduzgi ta'lim talabalari uchun "Orientation week" o‘quv-tanishtiruv haftaligi start oldi.
Eslatib o‘tamiz, 1-kursga talabalikka tavsiya etilganlar 15-oktyabrgacha kontrakt-to‘lovni amalga oshirib, talabalarimiz safiga qo‘shilishlari mumkin!
