Tafsir
AlMahir.uz﴿ وَلَا يَحْزُنكَ قَوْلُهُمْ ۘ إِنَّ ٱلْعِزَّةَ لِلَّهِ جَمِيعًا ۚ هُوَ ٱلسَّمِيعُ ٱلْعَلِيمُ ﴾
“Ularning gapi seni xafa qilmasin. Albatta, azizlikning barchasi Allohnikidir. U eshitguvchi va bilguvchi Zotdir.”
(Yunus surasi, 65-oyat)
Ya'ni kofirlarning gapidan hech xafa bo‘lma. Ular har doim o‘zlarini maqtashadi. Mo'minlarning shanlarini yerga urish uchun turli gaplar tarqatishadi. Ularning gaplari behuda.
Aslida:
«Albatta, azizlikning barchasi Allohnikidir».
Azizlik (kuch-qudrat va g'oliblik) sifatiga sohib bo'lgan Zot do'stlarini himoya qilib oladi.
«U eshitguvchi va bilguvchi Zotdir».
U zot kim nima deyayotganini eshitib va kim nima qilayotganini bilib turibdi.
Manba: “Tafsiri Hilol” Shayx Muhammad Sodiq Muhammad Yusuf