TTJda "Ona tilim-faxrim" nomli tanlov tashkil etildi
Nodira
Buxoro davlat universiteti Pedagogik ta‘lim fakulteti Boshlang‘ich ta’lim metodikasi kafedrasi o‘qituvchilari M.G.Sadullayeva, F.N.Abdullayeva, Sh.N.Qurbonova, D.N.Omonova, N.B.Boymurodova kafedralar kuni munosabati bilan talabalar turar joyida “Ona tilim faxrim” nomli tanlov tashkil etdilar.
Bugun butun Respublikamiz bo‘ylab O‘zbek tiliga Davlat tili maqomi berilganligining 33 yilligi keng nishonlanmoqda. Shu qatorida kafedra professor-o‘qituvchilari bilan birgalikda TTJ da ham “Kafedra kunlari” bo‘lib o‘tmoqda.
Til har bir millatning koʻzgusi, uning haqiqiy sarchashmasidir. Til bor ekan, millat barhayotdir. Ushbu tadbirda talabalar chiroyli va mazmunli she’rlarni mushoira tarzida ijro etdilar. Go‘zal raqslar namoyish etdilar. Talabalar o‘z Vataniga bo‘lgan mehr-muhabbatini, o‘z ijodlaridan misollar orqali chiroyli chiqishlar bilan aytib berdilar.
Pedagogik ta'lim fakulteti matbuot xizmati