ТОШКЕНТ ВИЛОЯТИ АДВОКАТЛИК ТУЗИЛМАЛАРИ ТОМОНИДАН ФУҚАРОЛАРГА БЕПУЛ ҲУҚУҚИЙ ЁРДАМ КЎРСАТИШ БЎЙИЧА ДАВРА СУҲБАТИ БЎЛИБ ЎТДИ
Куни кеча, Тошкент вилояти адлия бошқармасининг мажлислар залида, Тошкент вилояти Ўртачирчиқ тумани, Нурафшон, Олмалиқ шаҳрида, Бука ва Пскент туманларида фаолият юритиб келаётган адвокатлик тузилмаларини бир гуруҳ адвокатлар иштирокида давра суҳбати ўтказилди.
Давра суҳбатида ҳудудий бошқарма бошлиғи томонидан адвокатларга Адвокатура соҳасига оид мамлакатимизда қандай ўзгаришлар, ислоҳотлар амалга оширилмоқда ва бугуннинг энг долзарб мавзусига айланган коррупция ва унга йўл қўймаслик ҳақида чора-тадбирлар ўтказилиб, кенг жамоатчиликка етказиб бориш борасида суҳбатлашиб, адвокатларнинг фикр ва мулоҳазалари тингланди.
Шунингдек, Тошкент вилоятида фаолият юритувчи адвокатлик тузилмалари томонидан ҳафтанинг маълум бир кунида бепул фуқароларга ҳуқуқий ёрдам кўрсатиш бўйича ҳамда тайинлов асосида ҳуқуқни муҳофаза қилувчи органларда (гос защита) қатнашиб келаётган адвокатлар учун жадвал ишлаб чиқилди ва унга қатъий риоя этилиши ҳақида келишиб олинди.
