“ТОШКЕНТ МИНТАҚАВИЙ ТЕМИР ЙЎЛ УЗЕЛИ” ФИЛИАЛИДА БАҲОРГИ КЎРИК ДАВОМ ЭТМОҚДА! Мақсад ҳаракат хавфсизлигини таъминлашга тўсиқ бўладиган камчилик ва муаммоларни аниқлаш ҳамда уларни баратараф қилиш бўйича чора тадбирлар ишлаб чиқиш.

“TOSHKENT MINTАQАVIY TEMIR YO‘L UZELI” FILIАLIDА BАHORGI KO‘RIK DАVOM ETMOQDА!

Maqsad harakat xavfsizligini taʼminlashga to‘siq bo‘ladigan kamchilik va muammolarni aniqlash hamda ularni barataraf qilish bo‘yicha chora tadbirlar ishlab chiqish.

15-16 май кунлари “Temiryo‘linfratuzilma” AJ бош директори С.Норқабилов, “Ўзбекистон темир йўллари” АЖ Техник ва технологик назорат департаменти бошлиғи О.Қаршиев, “Тошкент минтақавий темир йўл узели” филиали бошлиғи О.Худойқулов бошчилигидаги ишчи гуруҳ “Жиззах-Иржар”, “Жиззах-Чимқўрғон”, “Жиззах-Янги Янгиер” йўналишидаги темир йўл участкаларида баҳорги кўрикни давом эттирдилар.

15-16 may kunlari “Temiryo‘linfratuzilma” AJ bosh direktori S.Norqabilov, “O‘zbekiston temir yo‘llari” АJ Texnik va texnologik nazorat departamenti boshligʼi O.Qarshiev, “Toshkent mintaqaviy temir yo‘l uzeli” filiali boshligʼi O.Xudoyqulov boshchiligidagi ishchi guruh “Jizzax-Irjar”, “Jizzax-Chimqo‘rgʼon”, “Jizzax-Yangi Yangier” yo‘nalishidagi temir yo‘l uchastkalarida bahorgi ko‘rikni davom ettirdilar.

Ишчи гуруҳ аъзолари, ҳар бир станция ҳудудидаги темир йўл участкалари, станциялар бино ва иншоотларнинг ҳолатини, ишчи ходимлар фаолиятини, бундан ташқари Ховос сигналлаштириш ва алоқа дистанцияси ҳамда Ховос электр таъминоти корхоналари, улардаги лабораториялар фаолияти, омборлари, уларда сақланаётган эҳтиёт қисмлар, автомобиллар сақлаш жойлари, мавжуд техникаларнинг ҳолатини, шунингдек, устахоналарни синчковлик билан кўздан кечирдилар.

Ishchi guruh aʼzolari, har bir stantsiya hududidagi temir yo‘l uchastkalari, stantsiyalar bino va inshootlarning holatini, ishchi xodimlar faoliyatini, bundan tashqari Xovos signallashtirish va aloqa distantsiyasi hamda Xovos elektr taʼminoti korxonalari, ulardagi laboratoriyalar faoliyati, omborlari, ularda saqlanayotgan ehtiyot qismlar, avtomobillar saqlash joylari, mavjud texnikalarning holatini, shuningdek, ustaxonalarni sinchkovlik bilan ko‘zdan kechirdilar.

Кўрикдан кўзланган асосий мақсад, жойларда ҳаракат хавфсизлигини таъминлашга тўсиқ бўладиган камчилик ва муаммоларни аниқлаш ҳамда уларни баратараф қилиш бўйича чора тадбирлар ишлаб чиқишдир. Шу боис, Жамият, департамент, Узел раҳбарияти жойларда станция навбатчилари, хўжаликларда фаолият олиб бораётган ишчи ходимлар билан юзма юз мулоқотда бўлиб, уларнинг билимини, иш фаолиятини ва самарадорлигини янада ошириш мақсадида савол жавоблар қилдилар.

Ko‘rikdan ko‘zlangan asosiy maqsad, joylarda harakat xavfsizligini taʼminlashga to‘siq bo‘ladigan kamchilik va muammolarni aniqlash hamda ularni barataraf qilish bo‘yicha chora tadbirlar ishlab chiqishdir. Shu bois, Jamiyat, departament, Uzel rahbariyati joylarda stantsiya navbatchilari, xo‘jaliklarda faoliyat olib borayotgan ishchi xodimlar bilan yuzma yuz muloqotda bo‘lib, ularning bilimini, ish faoliyatini va samaradorligini yanada oshirish maqsadida savol javoblar qildilar.

Мутахассислар ҳар бир участкада ўзларининг йўналишлари бўйича поездлар ҳаракат хавфсизлигини таъминлаш борасида амалга оширилаётган ишларни, меҳнат муҳофазаси ва техника хавфсизлиги қоидаларига риоя қилиниши, станциялар ҳамда корхоналарда ишчи ходимларга яратилган шарт-шароитлар, темир йўл кесишмалари, ўтказгичли стрелкаларнинг, алоқа, электр таъминоти тизимларининг созлиги, шунингдек, локомотив ҳамда вагон хўжалиги томонидан амалга оширилаётган ишларни атрофлича ўрганиб чиқишмоқда.

Mutaxassislar har bir uchastkada o‘zlarining yo‘nalishlari bo‘yicha poezdlar harakat xavfsizligini taʼminlash borasida amalga oshirilayotgan ishlarni, mehnat muhofazasi va texnika xavfsizligi qoidalariga rioya qilinishi, stantsiyalar hamda korxonalarda ishchi xodimlarga yaratilgan shart-sharoitlar, temir yo‘l kesishmalari, o‘tkazgichli strelkalarning, aloqa, elektr taʼminoti tizimlarining sozligi, shuningdek, lokomotiv hamda vagon xo’jaligi tomonidan amalga oshirilayotgan ishlarni atroflicha o‘rganib chiqishmoqda.

Ховос станцияси мамлакатимиз темир йўл тармоғидаги энг йирик саралаш станцияларидан бири бўлса, мазкур станцияда жойлашган вагонларнинг тезлигини автоматик секинлаштирувчи тепалик ягона ҳисобланади. Бу станцияда бир кеча кундузда 1500 тадан зиёд вагон сараланади.

Ишчи гуруҳ аъзолари ушбу станцияга ташриф буюрганда, мазкур тепаликка алоҳида эътибор қаратдилар.

Xovos stantsiyasi mamlakatimiz temir yo‘l tarmogʼidagi eng yirik saralash stantsiyalaridan biri bo‘lsa, mazkur stantsiyada joylashgan vagonlarning tezligini avtomatik sekinlashtiruvchi tepalik yagona hisoblanadi. Bu stantsiyada bir kecha kunduzda 1500 tadan ziyod vagon saralanadi.

Ishchi guruh aʼzolari ushbu stantsiyaga tashrif buyurganda, mazkur tepalikka alohida eʼtibor qaratdilar.

Жамият бош директори томонидан ҳар бир станцияда тадбиркорлар билан ҳамкорликни ҳамда ягона дарча тизимида иш юритишни янада кучайтириш, кўрик давомида аниқланган камчиликларни зудлик билан жойида бартараф қилиш бўйича масъул ходимларга тегишли топшириқлар берди.                                         Баҳорги кўрик давом этмоқда.

Jamiyat bosh direktori tomonidan har bir stantsiyada tadbirkorlar bilan hamkorlikni hamda yagona darcha tizimida ish yuritishni yanada kuchaytirish, ko‘rik davomida aniqlangan kamchiliklarni zudlik bilan joyida bartaraf qilish bo‘yicha masʼul xodimlarga tegishli topshiriqlar berdi. Bahorgi ko‘rik davom etmoqda.