TARG'IBOTCHIMAN !
Biz @motivatsion_yoshlar kanalidamiz !Ijodiy-madaniy masalalar bo'yicha,
She'r, g'azaldan tortib hatto kuygacha,
Tashkil etib shoirlarla she'riyat kecha,
Kasbini sevguvchi targ'ibotchiman!
Maqsadim iqtidorli yoshlarni topmoq,
Umidim ular bilan kelajak qurmoq,
Xalqimiz xizmatida doim shay turmoq,
Ma'rifat tarqatguvchi targ'ibotchiman!
Niyatim yoshlarimiz bo'lsin kitobxon,
Har sohada ular bo'lsin chempion,
Qilgan ishlaridan lol qolsin jahon,
Ilm-ziyo taratguvchi targ'ibotchiman!
Bugun davr tezkor, zamon shiddatli,
Har bir lahza, fursat juda qimmatli,
Yoshlari sog'lom yurt bo'lur qudratli,
Yoshlarni birlashtirguvchi targ'ibotchiman!
Teatr azaldan xo'p ibratxonadur,
O'tmishni eslab ko'p bag'rim yonadur,
Jadidlarni yo'q qilgan ming bahonadur,
Tarixni anglatguvchi targ'ibotchiman!
San'at go'zalligin kashf etib dilda,
Ey yoshlar so'zlaylik o'z ona tilda,
Hali ne sinovlar bor borar manzilda,
Maqsadlarga eltuvchi targ'ibotchiman!
Aytsam ishimiz ko'p, orzular oliy,
Hech qachon g'animga bo'lmaylik tobe,
Ishoning bir kuni kulgaydir tole',
Hayotga yo'llaguvchi targ'ibotchiman!
Ey yosh avlod bizga bo'ling zo'r qanot,
Kurashing ko'rsatib sabr-matonat,
Har doim siz bilan birga Dilmurod,
Haqqa chorlaguvchi targ'ibotchiman!
Dilmurod Tuxtayev.
22.04.2022y. 23:45 ✍️