TANLOV E'LONI

📢 TANLOV E'LONI

🇸🇪 Shvetsiyaning Lund universitetida ilmiy-amaliyot (Guest Research Stay) o'tash imkoniyati

Qo'qon universiteti professor-o‘qituvchilari va ilmiy xodimlari diqqatiga!

Yevropa Komissiyasining Horizon Europe – Marie Skłodowska-Curie Actions (MSCA) Staff Exchanges dasturi tomonidan moliyalashtirilayotgan MARS (Non-Western Migration Regimes in a Global Perspective) xalqaro loyihasi doirasida Shvetsiyaning Lund universitetida ilmiy-amaliyot (Guest Research Stay) o'tash uchun tanlov e'lon qilinadi.

🌍 Loyiha haqida

MARS (Non-Western Migration Regimes in a Global Perspective) — migratsiya boshqaruvi va siyosatini G‘arb davlatlaridan tashqaridagi tajribalar asosida o‘rganishga qaratilgan xalqaro ilmiy loyiha hisoblanadi.

Loyiha doirasida migratsiya siyosatini shakllantiruvchi huquqiy, siyosiy, iqtisodiy va ijtimoiy omillar qiyosiy tahlil qilinadi hamda Markaziy Osiyo, Yaqin Sharq, Janubiy Osiyo va boshqa mintaqalarning migratsiya tajribalari ilmiy jihatdan o‘rganiladi.

Loyiha koordinatori — Lund universitetining Huquq sotsiologiyasi bo‘limi bo‘lib, MARS konsorsiumi dunyoning yetakchi universitetlari va ilmiy markazlarini birlashtiradi.

🔬 Tadqiqot yo‘nalishlari (Research Streams)

Nomzodlar quyidagi yo‘nalishlardan biri yoki bir nechtasi bo‘yicha ilmiy taklif bilan ishtirok etishlari mumkin.

RS1. Migratsiya siyosati va huquqiy boshqaruv

• Migratsiya qonunchiligi
• Migratsiya boshqaruvi
• Davlat migratsiya siyosati
• Vizalar va mehnat migratsiyasi
• Migratsiya institutlari

RS2. Mehnat migratsiyasi va transmilliy harakatchanlik

• Mehnat migratsiyasi
• Vaqtinchalik migratsiya
• Migrantlar huquqlari
• Pul o'tkazmalari (Remittances)
• Transmilliy oilalar

RS3. Migratsiya, ijtimoiy integratsiya va inson huquqlari

• Migrantlarning ijtimoiy moslashuvi
• Fuqarolik va integratsiya
• Gender va migratsiya
• Ta'lim va migratsiya
• Ijtimoiy himoya

RS4. Migratsiya, rivojlanish va global boshqaruv

• Migratsiyaning iqtisodiy ta'siri
• Migratsiya va barqaror rivojlanish
• Migratsiya diplomatiyasi
• Xalqaro tashkilotlarning roli
• Global migratsiya boshqaruvi

✅ Ishtirok etish talablari

Tanlovda ishtirok etish uchun nomzodlar quyidagi talablarga javob berishlari lozim:

• Qo'qon universitetida asosiy ish joyiga ega bo‘lishi;
• PhD yoki DSc ilmiy darajasiga ega bo‘lishi (magistr darajasiga ega istiqbolli tadqiqotchilar ham hujjat topshirishlari mumkin);
• Migratsiya, huquq, siyosatshunoslik, xalqaro munosabatlar, iqtisodiyot, sotsiologiya, demografiya yoki MARS loyihasiga yaqin ilmiy yo‘nalishlarda tadqiqot olib borayotgan bo‘lishi;
• Shvetsiyaga xizmat safarini amalga oshirish imkoniyatiga ega bo‘lishi;
• Ingliz tilini yaxshi bilishi;
• Belgilangan muddat davomida ilmiy-amaliyotni to‘liq o‘tash hamda seminar va treninglarda faol ishtirok etishga tayyor bo‘lishi.

📄 Ariza topshirish uchun zarur hujjatlar

1. Tadqiqot taklifi (Research Proposal)

Hajmi: 1–2 sahifa.

Quyidagilarni o‘z ichiga olishi kerak:

• Tadqiqot mavzusi;
• Tadqiqot maqsadi;
• Metodologiyasi;
• MARS loyihasining qaysi Research Stream yo‘nalishiga mos kelishi.

2. Motivatsiya xati

Lund universitetidagi ilmiy-amaliyotning ilmiy faoliyatingizga qanday hissa qo‘shishini asoslab beruvchi motivatsion xat.

3. Akademik CV

Zamonaviy akademik formatdagi tarjimai hol bo‘lib, unda:

• ilmiy faoliyat;
• ilmiy nashrlar;
• grantlar;
• xalqaro tajriba aks ettirilishi lozim.

🎓 Lund universitetida yaratiladigan imkoniyatlar

Tanlov g‘oliblari quyidagi imkoniyatlarga ega bo‘ladilar:

• Xalqaro ilmiy guruhlar bilan birgalikda ilmiy faoliyat olib borish;
• Ilmiy seminar va workshoplarda ishtirok etish;
• Xalqaro ekspertlardan mentorlik olish;
• MARS konsorsiumi tadbirlarida qatnashish;
• Xorijiy hamkorlar bilan qo‘shma ilmiy maqolalar tayyorlash;
• Scopus va Web of Science bazalarida indekslanuvchi ilmiy jurnallarda maqola chop etish imkoniyatiga ega bo‘lish.

🏆 Tanlov mezonlari

Arizalar Qo'qon universiteti hamda Lund universiteti ekspertlari tomonidan quyidagi mezonlar asosida baholanadi:

• Tadqiqotning MARS loyihasi yo‘nalishlariga mosligi;
• Ilmiy taklifning sifati va dolzarbligi;
• Nomzodning ilmiy salohiyati;
• Xalqaro ilmiy hamkorlikni rivojlantirish imkoniyati;
• Qo‘qon universiteti ilmiy salohiyatiga qo‘shadigan hissasi.

💶 Grant doirasida qoplanadigan xarajatlar

Tanlangan ishtirokchilar uchun barcha xarajatlar Horizon Europe – MSCA Staff Exchanges loyihasi mablag‘lari hisobidan to‘liq moliyalashtiriladi.

Moliyalashtiriladigan xarajatlar:

✈ Xalqaro aviachipta

🏨 Yashash xarajatlari

💶 Kunlik yashash puli (Subsistence Allowance)

🚆 Mahalliy transport xarajatlari

🎓 Seminar, workshop va treninglarda ishtirok etish xarajatlari

📌 Ishtirokchilarning majburiyatlari

Tanlov g‘oliblari:

• Lund universitetidagi ilmiy tadqiqotlarda faol ishtirok etadi;
• MARS konsorsiumi seminar va tadbirlarida qatnashadi;
• Ilmiy hisobot tayyorlaydi;
• Qo‘qon universitetida tajriba almashish seminarini tashkil etadi;
• Xalqaro hamkorlar bilan qo‘shma ilmiy maqolalar tayyorlashda ishtirok etadi.

🌐 Xalqaro ilmiy hamkorlik sari yana bir qadam!

Mazkur dastur Qo‘qon universiteti professor-o‘qituvchilari va tadqiqotchilariga dunyoning nufuzli universitetlaridan biri — Lund universitetida ilmiy faoliyat olib borish, xalqaro ilmiy tarmoqlarga qo‘shilish hamda yuqori reytingli ilmiy nashrlarda maqolalar chop etish uchun noyob imkoniyat yaratadi.

Barcha professor-o‘qituvchilar va ilmiy xodimlarni ushbu xalqaro tanlovda faol ishtirok etishga chorlaymiz!