ТАБИИЙ ЙЎЛ БИЛАН ЁКИ ЭКУ АМАЛИЁТИ НАТИЖАСИДАГИ ҲОМИЛАДОРЛИКДА ХГЧ ГОРМОНИ ТАҲЛИЛИ
@ginekologim
Уруғланиш ЭКУ усулидами ёки табиий равишдами, ундан қатъи назар ҳомиладорлик бошлангандан кейин аёл организмида ХГЧ – одам хорионик гонодотропин гормнони (хорионический гонадотропин человека) кўп миқдорда ишлаб чиқарила бошлайди. Бу гормон хорион (эмбрион ташқи қавати) ҳужайралари томонидан ишлаб чиқарилади. ХГЧ миқдорига қараб туриб ҳомиладорлик бошлангани ва меъёрда кетаётганини баҳолаш мумкин.
ХГЧ таҳлилини ҳайз тўхтагандан кейин ёки ЭКУ амалиётидан 14 кун ўтгандан кейин ўтказиш мумкин. Гарчи ҳомиладорликни махсус тест орқали уй шароитида ҳам аниқлаб бўлса–да, бу усул билан ҳомиладорлик кечишини назорат қилиб бўлмайди. Шу сабабли аниқ ахборотга эга бўлиш учун гормоннинг қондаги миқдорини аниқлаш мақсадида қон таҳлили ўтказиш керак бўлади. Таҳлил қуйидаги мақсадларда ўтказилади:
– ҳомиладорликнинг бошланганини аниқлаш учун;
– ҳомила учун хатар бор–йўқлигини аниқлаш учун (агар ЭКУ дан сўнг ҳомиладорлик бўлса–ю, аммо ХГЧ миқдори кам бўлса, баъзи асоратлар, хусусан ҳомила тушиши эҳтимоли бўлиши мумкин);
– она учун хатар бор–йўқлигини аниқлаш (ХГЧ миқдори кам бўлса, бачадон ташқарисида ҳомиладорлик рўй берган бўлиши мумкин, ёки аксинча меъёрдан юқори бўлиши, айрим касалликларда, масалан қандли диабетда кузатилади);
– ҳомила ривожланишининг иккинчи уч ойлигида ирсий носозликлар бор–йўқлигини аниқлаш.
Баъзида ХГЧ меъёрдагидек ошиб бораётган тақдирда ҳам уруғланган тухум ҳужайрада ҳомила бўлмаслиги мумкин. Шунинг учун бундай ҳолатда ҳомила юраги ураётганини аниқлаш учун УТТ (УЗИ) ўтказилиши лозим.
Ҳомиладор аёлнинг организмида ХГЧ миқдори 11–ҳафтагача ортиб боради. Кейин бу миқдор пасаяди. Айрим аёлларга ЭКУ дан кейин ХГЧ уколи олиш тайинланади. Бу ҳомиладорликни ушлаб туриш учун зарур. Инъекция ХГЧ миқдори меъёрдан 20 ва ундан кўпроқ фоизга паст бўлганда тайинланади. Агар ХГЧ гормони миқдори умуман ўсмаётган бўлса, бу ҳомиладорлик йўқлигидан далолат беради. Қуйида ХГЧ гормони миқдори ҳақида маълуот берувчи 2 та жадвал тақдим этяпмиз.
Бу маълумотлар битта ҳомилалик аёлларга тааллуқли. ЭКУ амалиётидан кейин икки ва ундан кўпроқ ҳомилалик бўлганда ХГЧ миқдори янада баланд бўлади.
Ҳомиладорликда ХГЧ гормони миқдори ҳафта бўйича (охирги ҳайз кунидан бошлаб):👇
ХГЧ миқдорининг ЭКУ амалиётидан кейин ошиши кун бўйича (уруғланишдан кейинги кунлар):👇
Гинеколог Нилуфар КАБИЛОВА тайёрлади
Каналга уланинг:👇
https://t.me/joinchat/AAAAAFBvdBiwu4MpzsQ1zQ