Spring Fever (2026)
By Arielမြို့ပြရဲ့ ရှုပ်ထွေးတဲ့ လူနေမှုဘဝတွေကနေ ခဏတာ လွတ်မြောက်စေပြီး စိတ်ကြည်လင်အေးမြစေဖို့အတွက် နယ်မြို့လေးမှာ ဇာတ်အိမ်တည်ထားတဲ့ tvN ရဲ့ အသစ်စက်စက် Rom-com စီးရီးသစ်လေးနဲ့ မိတ်ဆက်ပေးပါရစေရှင်။
Main castတွေ အဖြစ် အားလုံးနဲ့ရင်းနှီးပြီးသား မင်းသားချော Ahn Bo Hyun နဲ့အတူ The Divorce Insurance အပြင် Queen of Tears နဲ့ပါ လူသိများတဲ့ မင်းသမီး Lee Joo Bin တို့က အဓိက ပါဝင်သွားမှာပဲဖြစ်ပါတယ်။
ဇာတ်လမ်းအညွှန်း
***************
ကျောင်းဆရာမလေး ယွန်းဘုမ်း (Lee Joo Bin)က ဆိုးလ်မှာ မွန်းကျပ် ပူလောင်မှု စိတ်ဒဏ်ရာတွေ အများကြီးရခဲ့ပြီး .. ဒီစိတ်ဒဏ်ရာတွေကို ကုစားရင်း ဘဝသစ်ပြန်စနိုင်ဖို့အတွက် နယ်မြို့လေးကို ပြောင်းလာခဲ့ပါတယ်။
အစပိုင်းမှာ အေးတိအေးစက်နဲ့ သီးသန့်ဆန်လွန်းတဲ့ ကျောင်းဆရာမလေးက နယ်ခံဖြစ်တဲ့ ဆွန်းဂျယ်ဂယူ(Ahn Bo Hyun)နဲ့ တွေ့ဆုံပြီးနောက် အရာအားလုံး ပြောင်းလဲစပြုလာပါတော့တယ်။
ဆွန်းဂျယ်ဂယူ(Ahn Bo Hyun)ကတော့ ထောင်ထောင်မောင်းမောင်း ခန္ဓာကိုယ်မှာ တက်တူးအပြည့်နဲ့ပုံစံကြောင့် အများအမြင်မှာ လူမိုက်ကြီးလို ဖြစ်နေပေမဲ့ လူတိုင်းအပေါ် စေတနာထားတတ်တဲ့ စိတ်ရင်းကောင်းသူကြီးပါ။
တူဖြစ်သူ တက်ရောက်နေတဲ့ ကျောင်းမှာ ဆရာမလေး ယွန်းဘုမ်းနဲ့ ဆုံတွေ့ခဲ့ကြရင်းက နှစ်ဦးကြား ခံစားချက်ပေါက်ဖွားလာပုံကို အချစ်ဟာသဆန်ဆန်နဲ့ ခံစားရမှာပဲဖြစ်ပါတယ်။
ကျေးလက်အငွေ့အသက်နဲ့ ဇာတ်လမ်းလေးတွေက ကြည့်ရတဲ့လူတွေအတွက်ပါ စိတ်အေးချမ်းစေတာကြောင့် ဒီနှစ်အတွက် စိတ်အပန်းဖြေကြည့်ရှုလို့ကောင်းမဲ့ ကားကောင်းလေးဖြစ်လာဦးမှာပါ။
တစ်နေ့တာအမောတွေကို ဖြေဖျောက်နိုင်စေဖို့အတွက် အပတ်စဉ် တနင်္လာနဲ့အင်္ဂါနေ့တိုင်း ဘာသာပြန်တင်ဆက်ပေးသွားမှာမို့လို့ အတူတူလိုက်ပါ စီးမျောလိုက်ပါဦးနော်.. ။