“Спорт билан оғусиз ҳаёт сари”

Жорий йилнинг 20 июнь куни Тошкент шаҳридаги «ММФИ» миллий тадқиқот ядро университети филиалида маънавий-маърифий тизимни яратиш бўйича “Спорт билан оғусиз ҳаёт сари” шиори  остида тадбир ўтказилди. Ушбу тадбир давлат раҳбарининг ижтимоий, манавий-маърифий ишларнии йўлга қўйиш бўйича илгари сурган 5 та муҳим ташаббус доирасида ёшларни жисмоний чиниқтириш, уларнинг спорт соҳасидаги қобилиятларини намойиш қилишга йўналтирилди.

Ташаббус «ММФИ» МТЯУ ТФнинг ижрочи директори А.Санетуллаев ва профессор-ўқитувчилар бошчилигида очиб берилди ва ёшлар очиқ ҳавода: армрестлинг, шахмат ва шашка, street workout, Кэмари (ким тўпни кўп уриш), волейбол ва камондан ўқ отиш каби мусобақаларда ўзларининг кучларини синаб кўрдилар. Тадбирда нафақат талабалар, балки профессор-ўқитувчилар ҳам ўз кучларини синаб кўриш имкониятига эга бўлдилар. Профессор-ўқитувчилар томонидан талабалар учун армрестлинг, шахмат ва камондан ўқ отиш бўйича мастер-класс ўтказилди.

Тадбирдан сўнг талабалар маданий ҳордиқ олишлари учун ёқимли куй ва қўшиқлар янгради.

Тошкент шаҳридаги «ММФИ» миллий тадқиқот ядро университети филиали “Ёшлар иттифоқи” расиси Мелиқўзиев Жамшид: “Филиалимиз профессор-ўқитувчилар ташаббуси билан талабалар турар жойида ўтказилган тадбир мухтарам президентимизнинг илгари сурган 5 та муҳим ташаббуслари асосида ўтказилди. Бу тадбир ёшларни нафақат ўзаро мусобаларга иштирок этишга чорлайди балки уларнинг спортга аттроф-муҳитга ва умуман ўзаро буладиган муносабатларини ижобий томонга ўзгартириш имкон беради”,- шундай дейди.
Тадбирдан олинган айрим лавҳалар билан бўлишмоқчимиз. Марҳамат!