«Shayx Muhammad Sodiq» akademiyasida vakansiya
Shayx akademiyasiTalabalar birlashmasi rahbari kerak (Student union)
Akademiya tarafidan taklif etiladigan oylik maosh: 350$-700$
Akademiya haqida qisqacha ma'lumot:
«Shayx Muhammad Sodiq» akademiyasi zamonga mos olim-ulamolarni: ilm, odob va kasbga yo`naltirish orqali yetishtirishni maqsad qilgan 5 yillik ta`lim maskanidir.
2021-yili 30 ta talaba bilan ish boshlangan bo`lsa, 2022-yili tolibi ilmlar soni 5 barobar o`sdi. Akademiya o’zbek segmentidagi eng katta islom shari’ati bo’yicha ta’lim faoliyatini yuritib kelayotgan muassasa hisoblanadi. Shu o`sish suratini saqlagan holatda yaqin 2-4 yil ichida xalqaro Universtitet maqomini olish reja qilingan.
Olimlar va tolibi ilmlar muhitida yurib, ilmingizni rivojlantirib, sadaqai joriyaga ega bo`lmoqchi bo`lsangiz, sizni jamoada ko`rishdan mamnun bo`lamiz.
Lavozim maqsadi:
Akademiya talabalalari va rahbariyat o’rtasida ko’prik vazifasini bajarish.
Majburiyatlari:
- Akademiyaga tashrif buyuradigan mehmonlar ishtirokida bo’ladigan masterklass va ilmiy suhbat va seminarlarni tashkillashtirish va nazoratini amalga oshirish (event management);
- Akademiya talabalari o‘rtasida ilmiy-ma’rifiy musobaqalar tashkillashtirish;
- Xos (Iqtidorli) talabalar bilan alohida ishlash;
- Talabalar uchun treninglar o’tib berish va ularga yo‘l-yo‘riq ko’rsatish;
- Boshqa universitet va mahadlar bilan aloqa va hamkorliklar o‘rnatish.
Talablar:
- Tashkilotchilik ishlariga kuchli qiziqish va qobiliyatlilik;
- Ta’lim yo’nalishidagi bakalavr yoki magistrlik darajasi; (chet elda bo'lgani afzal)
- Rus tilini bilishi shart (ingliz tilini bilishi qo’shimcha qiymat beradi);
- Talabalar hamjamiyatini boshqarish, tadbir va seminarlar o’tkazish bo’yicha kamida 1-2 yillik tajriba;
- Intizomli va ma’suliyatli bo’lish;
- Talabalar bilan samarali muloqot va muzokaralar o’tkaza olish qobiliyati.
Sizga taklif qilamiz:
- Dunyo tan olgan ulamolar bilan ilmiy suhbatlar (hozirgacha bosh muftiylar, shayxlar va o‘z sohalarining eng mashhur mutaxassislari tashrif buyurib kelmoqda);
- Jamoa a'zolari uchun maxsus "Teambuilding party"lar;
- Akademiya hisobidan Turkiya bo'ylab ko'hna shaharlarga jamoaviy sayohatlar;
- Akademiya katta o'qituvchilari tomonidan Fiqh, Tafsir, Siyrat va boshqa darslar;
- Yillik kamida 1 pora Qur`on yod olinishi;
- Xodimlar uchun alohida Turk tili darslari;
- O`sishga ishtiyoqi bor xodimlar uchun kasbiy rivojlanish darslari;
- Ish haqi saqlangan mehnat ta`tili;
- va boshqa qulayliklar…
Ish grafiki va tartibi:
- Haftada 6 kun Dush-Shan;
- 9:00-18:00.
Ishga hujjat topshirish uchun: link
❗Formada so'ralgan ma'lumotlarni diqqat bilan to'ldiring. Siz haqingizda qoldirgan ma'lumotlaringiz asosida xulosa chiqaramiz.