«Shayx Muhammad Sodiq Akademiyasi»da vakansiya
Shayx AkademiyasiMavjud vakansiya: Operatsion menejer
Akademiya tarafidan taklif etiladigan oylik maosh: 800$- 2000$
Akademiya haqida qisqacha ma'lumot:
«Shayx Muhammad Sodiq» akademiyasi zamonga mos olim-ulamolarni: ilm, odob va kasbga yo`naltirish orqali yetishtirishni maqsad qilgan 5 yillik ta`lim maskanidir.
2021-yili 30 ta talaba bilan ish boshlangan bo`lsa, 2022-yili tolibi ilmlar soni 5 barobar o`sdi. Akademiya o’zbek segmentidagi eng katta islom shari’ati bo’yicha ta’lim faoliyatini yuritib kelayotgan muassasa hisoblanadi. Shu o`sish suratini saqlagan holatda yaqin 2-4 yil ichida xalqaro Universtitet maqomini olish reja qilingan.
Olimlar va tolibi ilmlar muhitida yurib, ilmingizni rivojlantirib, sadaqai joriyaga ega bo`lmoqchi bo`lsangiz, sizni jamoada ko`rishdan mamnun bo`lamiz.
Lavozim maqsadi:
1. Akademiyani bitirib chiqqan har bir talabaning ilmi, odobi va kasbiy ko`nikmasi belgilangan darajada bo`lishi uchun samarali boshqaruv tizimini joriy etish.
2. Har bir bo`lim rahbarlarining tugallangan qiymatli mahsuloti o`z vaqti va sifatida bo’lishini ta’minlash.
3. Asoschilarni har qanday operatsion ishlardan ozod qilish.
Majburiyatlari:
- Akademiya oldiga qo`ygan maqsad va strategiyaga asoslangan barcha operatsion ishlar mas`uliyatini olish;
- Bo`lim rahbarlari bilan ishlab, ular o`rtasidagi koordinatsiyani ta'minlash;
- Strategik rejalarni ishlab chiqish va amalga oshirish uchun akademiya mudiri va boshqa rahbarlar bilan yaqindan hamkorlik qilish;
- Bo`limlarda haftalik/oylik va kvartallik maqsad qo`yilganligini ta`minlab, ular bo`yicha asoschilarga hisobot berish;
- Akademiya xodimlarini tashkiliy maqsadlarga erishishi uchun yo'l-yo'riq ko’rsatish va rag'batlantirish;
- Operatsion siyosat va tartiblarni ishlab chiqish va amalga oshirish;
- Akademiyaning kundalik faoliyatini nazorat qilish va samaradorlikni ta’minlash;
- Akademiyada innovatsiyalar va doimiy takomillashtirish madaniyatini rivojlantirish;
- Barcha xodimlarni rivojlanishi va o`z sohasida eng professional bo`lishi uchun tizimli malaka oshirishini nazorat qilish.
Talablar:
- 30-45 yosh oralig`ida
- Boshqaruv sohasida kamida 5 yil, ta`lim sohasida 3 yil ish tajribasi
- Biznes boshqaruv yoki shunga aloqador oliy ma`lumot (xalqaro bo`lsa yaxshiroq)
- Rus va Ingliz tilidan ishda erkin foydalana olish
- 50 dan ortiq xodimlarni boshqarish tajribasi
- Tizimlashtirish va tizimli ishlarni tushunish va tadbiq qila olish
- Biznes operatsiyalari va protseduralarini chuqur tushunib, mos tizim tanlab joriy qila olish
- Moliyaviy operatsiyalarni boshqarish, shu jumladan byudjetlashtirish, prognozlash va hisobot berish bo'yicha tajriba
- Muloqotga kirishimlilik va yetakchilik qobiliyatlari
- Raqamlarda gapirish qobiliyati
- Stressga chidamlilik
- Doimo rivojlanish va jamoani rivojlantirishga kuchli rag`bat
Sizga taklif qilamiz:
- Dunyo tan olgan ulamolar bilan ilmiy suhbatlar (hozirgacha bosh muftiylar, shayxlar va o‘z sohalarining eng mashhur mutaxassislari tashrif buyurib kelmoqda);
- Jamoa a'zolari uchun maxsus "Teambuilding party"lar;
- Akademiya hisobidan Turkiya bo'ylab ko'hna shaharlarga jamoaviy sayohatlar;
- Akademiya katta o'qituvchilari tomonidan Fiqh, Tafsir, Siyrat va boshqa darslar;
- Yillik kamida 1 pora Qur`on yod olinishi;
- Xodimlar uchun alohida Turk tili darslari;
- O`sishga ishtiyoqi bor xodimlar uchun kasbiy rivojlanish darslari;
- Ish haqi saqlangan mehnat ta`tili;
- va boshqa qulayliklar…
Ish grafiki va tartibi:
- Haftada 6 kun Dush-Shan
- 9:00-18:00
Ishga hujjat topshirish uchun: link
❗Formada so'ralgan ma'lumotlarni diqqat bilan to'ldiring. Siz haqingizda qoldirgan ma'lumotlaringiz asosida xulosa chiqaramiz.