«Shayx Muhammad Sodiq» akademiyasida vakansiya
Shayx akademiyasiMavjud vakansiya - HR bo'limiga menejer kerak!
Akademiya tarafidan taklif etiladigan oylik maosh: 600$-900$
Akademiya haqida qisqacha ma'lumot:
«Shayx Muhammad Sodiq» akademiyasi zamonga mos olim-ulamolarni: ilm, odob va kasbga yo`naltirish orqali yetishtirishni maqsad qilgan 5 yillik ta`lim maskanidir.
2021-yili 30 ta talaba bilan ish boshlangan bo`lsa, 2022-yili tolibi ilmlar soni 5 barobar o`sdi. Akademiya o’zbek segmentidagi eng katta islom shari’ati bo’yicha ta’lim faoliyatini yuritib kelayotgan muassasa hisoblanadi. Shu o`sish suratini saqlagan holatda yaqin 2-4 yil ichida xalqaro Universtitet maqomini olish reja qilingan.
Olimlar va tolibi ilmlar muhitida yurib, ilmingizni rivojlantirib, sadaqai joriyaga ega bo`lmoqchi bo`lsangiz, sizni jamoada ko`rishdan mamnun bo`lamiz.
Lavozim maqsadi:
1. Ishga olish va bo`shatish: akademiya jamoasida doimo yetarli va yuqori saviyali xodimlar bo`lishini ta`minlash.
2. Ma`muriyat va xodimlar o`rtasida ko`prik vazifasini bajarish. Xodimlarning umumiy missiya yo`lida birlikda harakatlantirish va samarador bo`lgan muhit yaratish.
3. O`qish va rivojlantirish: barcha xodimlar o`z sohalarida eng professionallardan bo`lishi va shu orqali ummatga xizmat qilishini ta`minlash.
Majburiyatlari:
- Barcha bo`limlarda yetarli adad va saviyada xodimlar borligini ta`minlash, aks holda yangi xodim olish;
- Adaptatsiya jarayonini ishlab chiqish va amalga oshirish;
- Xodimlarni baholash, adaptatsiya qilish va rag'batlantirish tizimlarini ishlab chiqish va tegishli materiallarni yaratish;
- Xodimlar doimo rivojlanishi uchun ularga soft va hard skillsdan rivojlanish xaritasini ishlab chiqish;
- Xodimlar uchun eng qulay sharoitlarni yaratish;
- Xodimlarga aloqador barcha hujjat ishlarini yuritish;
- Xodimlarning o'z belgilangan lavozim vazifasi va boshqa hujjatlarga asosan ishlayotganini baholab borish va ijrosi uchun kerakli choralarni ko`rish.
Talablar:
- 27-35 yosh;
- Oliy ma'lumot (HR, psixologiya, menejment yo'nalishida bo’lgani afzal);
- 3+ yillik ish tajribasi;
- Rus va o‘zbek tillarini mukammal bilish, (ingliz tilini bilish qo’shimcha qiymat beradi);
- Kompyuterdan bemalol foydalana olish, o’zingizga kerak ma’lumotni topa olish;
- Muloqotga kirishimlilik va stressga chidamlilik;
- Analitik fikrlash va rejalashtirish qobiliyatlari;
- Xodimlar o'rtasida yuzaga kelgan muammoga zudlik bilan yechim berish.
Sizga taklif qilamiz:
- Dunyo tan olgan ulamolar bilan ilmiy suhbatlar (hozirgacha bosh muftiylar, shayxlar va o‘z sohalarining eng mashhur mutaxassislari tashrif buyurib kelmoqda);
- Jamoa a'zolari uchun maxsus "Teambuilding party"lar;
- Akademiya hisobidan Turkiya bo'ylab ko'hna shaharlarga jamoaviy sayohatlar;
- Akademiya katta o'qituvchilari tomonidan Fiqh, Tafsir, Siyrat va boshqa darslar;
- Yillik kamida 1 pora Qur`on yod olinishi;
- Xodimlar uchun alohida Turk tili darslari;
- O`sishga ishtiyoqi bor xodimlar uchun kasbiy rivojlanish darslari;
- Ish haqi saqlangan mehnat ta`tili;
- va boshqa qulayliklar…
Ish grafiki va tartibi:
- Haftada 6 kun Dush-Shan;
- 9:00-18:00.
Ishga hujjat topshirish uchun: link
❗Formada so'ralgan ma'lumotlarni diqqat bilan to'ldiring. Siz haqingizda qoldirilgan ma'lumotlar asosida xulosa chiqaramiz.