Sharq uyg’onish davri mutafakkiri Forobiy, shoh va shoir Zahiriddin Muhammad Bobur va qomusiy olim Abdurauf Fitrat hayoti, faoliyati hamda ilmiy merosi xususida dars tashkil etildi.

Buxoro davlat universitetida Xalqaro aloqalarni mustahkamlash maqsadida amalga oshirilayotgan ishlar qatorida “SUMMER SCHOOL” – Yozgi maktab dasturiy loyihasini tilga olish maqsadga muvofiqdir. BuxDU Filologiya fakulteti O'zbek tili va adabiyoti kafedrasi professor-o’qituvchilari mazkur loyiha doirasida dunyoning Top-1000 ro'yxatidan o'rin olgan Shvetsariyaning Syurix universitetidan tashrif buyurgan bir qator professor-o'qituvchilar hamda talabalarga masterklasslar tashkil qilmoqda. Jumladan, 27-iyun sanasida O'zbek tili va adabiyoti kafedrasi professorlari Sh.N.Axmedova, D.X.Quvvatova hamda dotsent N.Y.O’roqovalar tomonidan Sharq uyg’onish davri mutafakkiri Forobiy, shoh va shoir Zahiriddin Muhammad Bobur va qomusiy olim Abdurauf Fitrat hayoti, faoliyati hamda ilmiy merosi xususida dars tashkil etildi. BuxDU o’qituvchisi M.Norova, f.f.f.d, (PhD): Z.Jamolova, D.Tashova, Z.Sohibova, BuxDU doktoranti R.Imomovalar dars jarayonida yaqindan yordam berdilar. Ayniqsa, D.Tashovaning Bobur g’azallaridan kuylab bergani tinglovchilar e’tiborini tortdi. Sharq mutafakkirlari faoliyati bilan bog’liq qiziqarli savol-javoblar loyiha ishtirokchilarining yurtimiz tarixi, madaniyati va adabiyotini o’rganishga bo’lgan qiziqishning mahsuli sifatida gavdalandi.

BuxDU Filologiya fakulteti O'zbek tili va adabiyoti kafedrasi dotsenti, f.f.f.d. (PhD) Nafosat O’roqova