Shımbay rayonı ádillik bolimi Yuridikalıq xızmet kórsetiw orayı tárepinen mánzilli úgit-násiyat ilajı shólkemlestirildi
A.Palekeev2023-jıl 24-mart kúni Shımbay rayonı ádillik bóliminiń Yuridikalıq xızmet kórsetiw orayı baslıǵı A.Palekeev tárepinen Kásip-óner mektebi pitkeriwshileri qatnasıwında olardıń huqıqıy sanası hám huqıqıy mádeniyatın asırıw, olardı nızamshılıǵımızdaǵı sońǵı jańalaqılar menen tanıstırıw, sonday-aq Referendum ótkiziw tártibi, onı shólkemlestiriwdiń huqıqıy tiykarları hám tiykarǵı basqıshları haqqında mánzilli úgit-násiyat ilajı shólkemlestirildi.
Ilaj qatnasıwshılarına házirgi kúnde konstituciyalıq nızam joybarın qabıllawǵa bolǵan mútájlik retinde mámleketimizde ámelge asırılıp atırǵan keń kólemli reformalardı dawam ettiriwdiń huqıqıy tiykarın bekkemlew zárúr ekenligi, joybar xalıqaralıq hám milliy nızamshılıq tájiriybe tiykarında, sonıń menen birge xalıqtıń keń qatlamlarınıń pikir hám usınısları inabatqa alǵan halda islep shıǵılǵanlıǵına dıqqat awdardı.
Nızam joybarı sońǵı jılları erisilgen májbúriy miynet hám balalar miynetine jol qoyılmaslıǵı, hámiledarlıǵı hám balası barlıǵı sebepli jumısqa qabıllawdan bas tartıw, jumıstan bosatıw yaki is haqısın kemeytiriwge jol qoyılmaslıǵı, shaxstıń sudlanǵanlıǵı hám onnan kelip shıǵatuǵın huqıqıy aqıbetler onıń aǵayinleriniń huqıqların sheklew ushın tiykar bolmaslıǵı haqqındaǵı unamlı jetiskenliklerdi Konstituciya dárejesinde bekkemlenip atırǵanlıǵı ayırıqsha atap ótildi.