Сейтек күйші

Сейтек күйші


 Қазақ деген ұлыстың тарихын көзбен бір сүзіп өткен кісінің есінде елі мен жері үшін жанын шүберекке түйген батырлар, қамшы ұстаған билердің есімдері қалатыны белгілі. Солардың оң тізесін басқан, шежіресінің шылауы болған күйшілердің де аттары қатар аталады. Қазақта елді аузына қаратқан, даңқы көкке өрлеген күйшілер де жетерлік. Соның бірі – Сейтек Оразалыұлы. 


Аталмыш өнерді, өнер иесін кейінгі ұрпаққа дәріптеу мақсатында 12 сәуір күні білім ошағымызда күйші-композитор, қазақтың төкпе күй әдебінің негізін салушы Сейтек Оразалыұлының ұрпағы, Орал саз колледжінің басшысы Нұржан Сертековпен кездесу ұйымдастырылды. Кездесу барысында Нұржан мырза Сейтек күйшінің өмір жолы мен күйлерінің шығу тарихы төңірегінде сөз қозғады. Домбыраның әсем ырғағында «Жетпіс ер», «Замана» күйлерін шертіп, әрбір бөлігінде өзіндік үлкен мәні бар екенін оқушыларға түсіндірді. Сондай-ақ, өзінің шабытты да жігерге толы серпінді күйлерін халық атынан сөйлетіп, домбыра өнерін ту етіп көтерген өнерпаздың жетпіс екі жас өмірінің жиырма бес жылы үстем тап өкілдерімен арпалыста, қуғын мен қамауда өткені туралы ауқымды ақпарат берді. Кеш барысы оқушылардың Сейтек күйшінің ұрпағына қойған толассыз сұрақтармен жалғасын тауып отырды. 

Білім ордамызда осындай тәрбиелік мәні зор кездесулер әлі талай ұйымдастырылады деген сенімдеміз.

Мектебіміз әлеуметтік желілерде:
Facebook
Instagram Youtube Telegram