Sanji

လူ့ဘဝမှာ ကိုယ့်ကိုယ်ကိုယ် ချစ်ဖို့ဆိုတာ တကယ်တော့ ပြောသလောက် မလွယ်ကူပါဘူး။ တချို့လူတွေကျတော့ အပြင်ပန်းမှာ တော်တော်လေး ဟန်ဆောင်ကောင်းပြီး သူတစ်ပါးအပေါ်မှာ အမြဲတမ်း ကောင်းပေးတတ်ကြပေမဲ့ ကိုယ့်အလှည့်ကျရင်တော့ ကိုယ့်တန်ဖိုးကို လျှော့တွက်တတ်ကြတာ မျိုးတွေ ရှိတတ်ပါတယ်။ Sanji မှာလည်း အဲဒီလို ခပ်ဆင်ဆင် အားနည်းချက်မျိုး ရှိနေတာပါ။ Sanji က သူများတွေ ပျော်ဖို့၊ အသက်ဆက်ရှင်ဖို့ဆိုရင် ကိုယ့်အသက်ကိုတောင် ပဓာနမထားဘဲ စွန့်လွှတ်ဖို့ ဝန်မလေးတတ်ပါဘူး။ (ဆက်ဖတ်မဲ့သူတွေအတွက် Spoiler အနည်းငယ်ပါသည်)

ဆက်‌ပြောရရင် Nami တို့ Robin တို့ သာမက တစ်ဖွဲ့လုံးအတွက် အမြဲတမ်း ရှေ့တန်းကနေ ဒိုင်းကာသလို ရပ်တည်ပေးတတ်တဲ့ သူ့ရဲ့စိတ်ဓာတ်က fan တွေ အားကျရတဲ့ အချက်တစ်ခု ဖြစ်ပေမဲ့ အဲဒီနောက်ကွယ်မှာတော့ သူ့ရဲ့ ကိုယ်ပိုင်တန်ဖိုးကို မသိကျိုးကျွံပြုနေတဲ့ အလေ့အထကြီး ရှိနေပါတယ်။ 

Chapter 1196 Spoiler မှာပါတဲ့အတိုင်းပဲ Kamabakka Kingdom မှာ ၂ နှစ်ကြာ နေထိုင်ခဲ့ရစဉ်ကတည်းက Ivankov ထောက်ပြခဲ့ဖူးသလိုမျိုး Sanji ရဲ့ အကြီးမားဆုံး အားနည်းချက်က သူတစ်ပါးကို ဂရုစိုက်လွန်းအားကြီးပြီး ကိုယ့်ကိုယ်ကိုယ် ချစ်မြတ်နိုးတတ်တဲ့ "Self-love" အပိုင်းမှာ အားနည်းနေတာပါပဲ။

တကယ့်ဘဝမှာလည်း ကိုယ်တိုင်က အရာရာကို ဦးဆောင်ပြီး တာဝန်ယူချင်တဲ့သူတွေ၊ သူများတွေ ဒုခရောက်နေရင် ကိုယ့်အကြောင်းကို မတွက်တော့ဘဲ ဝင်ကူညီတတ်တဲ့သူတွေဟာ တစ်ခါတလေကျရင် ကိုယ့်ကိုယ်ကိုယ် အရေးမစိုက်မိတော့တဲ့ "People-pleaser" ဆန်ဆန် အကျင့်စရိုက်တွေ ဖြစ်ကုန်တတ်ကြပါတယ်။ Sanji ရဲ့ ပုံစံကလည်း အဲဒီလိုပါပဲ။ မိသားစုရဲ့ ဖိနှိပ်မှုတွေ၊ အတိတ်က နာကျင်စရာ ဒဏ်ရာတွေကြားမှာ ကြီးပြင်းလာခဲ့ရတာကြောင့် ကိုယ့်အသက်ကို အသုံးမကျတဲ့ အရာတစ်ခုလို သဘောထားတတ်ပြီး အဖွဲ့သားတွေအတွက် အစားထိုးလို့ရတဲ့ ကိရိယာတစ်ခုလို ခံယူနေတတ်ပါတယ်။ ဒါပေမဲ့ တကယ့် အသိတရားတစ်ခု ဝင်လာတဲ့အခါ ဥပမာအားဖြင့် Nightmare Ivankov လို ကိုယ့်ရဲ့ အတိတ်က အမှောင်ထုနဲ့ စိတ်ပိုင်းဆိုင်ရာ ဖိအားတွေကို ပြန်ရင်ဆိုင်ရတဲ့အခါကျမှသာ ကိုယ့်တန်ဖိုးကို ပြန်မြင်လာနိုင်တာ မျိုးတွေ ရှိပါတယ်။

Chapter 1196 Spoiler မှာ အတိတ်က အမှတ်တရတွေကို ပြန်ပြောင်းတွေးရင်းနဲ့ ကိုယ့်မှာ လျော့နည်းနေတာက ဘာလဲဆိုတာကို သဘောပေါက်သွားတဲ့အခိုက်အတန့်မှာ Sanji တစ်ယောက် ဆေးလိပ်ကို အေးအေးဆေးဆေး ညှိလိုက်ပြီး "I already told you, you're way too full of yourself, horse-man" လို့ ပြောထွက်လာနိုင်တာဟာ ကိုယ့်ကိုယ်ကိုယ် ယုံကြည်မှုနဲ့ Self-love ကို တဖြည်းဖြည်း ပြန်လည်တည်ဆောက်လာနိုင်တဲ့ လက္ခဏာတစ်ခုပါပဲ။ ကိုယ့်ကိုယ်ကိုယ် ပြန်ချစ်တတ်ဖို့၊ ကိုယ့်တန်ဖိုးကို ကိုယ်ပြန်သိဖို့ဆိုတာ တိုက်ပွဲတွေထဲမှာ ဓားနဲ့ခုတ်တာထက်စာရင် ပိုပြီး နက်နဲတယ်ဆိုတာကို Sanji က ပြပေးသွားပါတယ် ✨