Шукур қилайлик

Шукур қилайлик, ўзимизни бахтиёр ҳис қилишимиз учун барча имкониятлар бор. Булар янада кенгаймоқда. Шундай такликали замонда, бизга тинчликни барқарор қилиб қўйгани учун Аллоҳга беҳисоб шукурлар бўлсин. 

* * *

Шукур қилайлик, тани жонимиз соғ, тафаккуримиз тиниқ. Бир кун лавозимга сайландик ёки тайинландик. Кибрга берилмайлик, чунки бу вақтинча. Бир кун ишдан олиндик, воҳима қилманг, бу Аллоҳнинг синови. Сабр қилайлик, бу ҳам вақтинча.

* * *

Шукур қилайлик, эр-хотин оила қуриб Аллоҳ берган фарзандларни катта қилаяпмиз. Оилада агар аёл тилини тийиб юрса, эркак эса, кўзини “юмиб” юрса, болалар ота-онанинг айтганини қилиб турса бундай оилада ҳамиша бахт ва хотиржамлик бўлади.

* * *

Шукур қилайлик, ҳар биримиз кимларгадир керакмиз, жамият равнақига ҳисса қўшиб келмоқдамиз. Бунда ҳар биримиз масъулиятни ҳис қилиб яшайлик. Мен ўзимга нисбатан юртимга фойдам кўпроқ тегсин деб ҳаракат қилсангиз, ўзингиз кўпроқ фойда ҳам кўрасиз, ҳурматга ҳам сазовар бўласиз.

* * *

Шукур қилайлик, кимларнидир йўқлагимиз келиб йўқлаб турибмиз, кимлардир бизларни йўқлаб турибди. Демак бизга керак одамлар ҳам бор ва биз ҳам кимларгадир керак эканмиз.

* * *

Мамаюнус Пардаев ҳикматларидан