Шартли жиноятчилар қўлга олинди

Сурхондарё вилояти ИИБ Ҳарбий сафарбарлик бўлими ходимлари томонидан жорий йилнинг 27 ноябрь кунидан 29 ноябрь кунигача ҳамда 4 декабрь кунлари 2019 йил учун мўлжалланган ўқув машғулотлари юзасидан Термиз шаҳар хавфсизлигини таъминлаш бўйича Сурхондарё вилояти Ички ишлар бошқармаси шахсий таркиби, Мудофаа вазирлигининг Жанубий Ғарбий Махсус Ҳарбий Округи Жанубий оператив йўналиши бошқарув гуруҳи, ДХХ Сурхондарё вилояти бошқармаси, Ўзбекистон Республикаси Миллий Гвардияси Сурхондарё вилояти бошқармаси, Давлат божхона бошқармаси, Прокуратура, Фавқулодда вазиятлар бошқармаси, «Жануб» Чегара қўшинлари минтақавий штаби, Ҳокимият ва кенг жамоатчилик вакиллари билан ҳамкорликда Термиз шаҳридаги “Дўстлик”, “Жўйжангал” ва “Аму соҳиллари” маҳалла ҳудудларида махсус тактик амалий ўқув машғулоти ўтказилди.

Ўқув машғулотида шартли жиноятчиларни аниқлаш, уларни қўлга олиш ва уларда мавжуд бўлган ўқ отар қуроллардан зарарсизлантириш, энг асосий вазифаси эса шартли жиноятчилар томонидан Термиз шаҳри аҳолисига зарар етказмаслик вазифалари топширилиб, вазифалар тезкорлик ва пухта режа асосида адо этилди.

Ушбу ўқув амалий махсус-тактик машғулотида барча ҳуқуқни муҳофаза қилувчи орган ходимларининг жанговар шайлик даражаси оширилиб, Термиз шаҳар ҳудудини фавқулодда вазиятлар содир бўлганида шахсий таркиб томонидан тўғри қарор қабул қилиши, белгиланган нуқталарда постларда хизмат олиб боришлари, Ўзбекистон Республикаси ИИВнинг махсус режаларига асосан ишларни тўғри ташкиллаштирилиши ўқув машғулоти давомида ўрганилиб, амалда синовдан ўтказилди.

Сурхондарё вилояти ИИБ Ахборот хизмати