Шахмат бўйича "Кимё ва нефткимё кубоги-2021" I Халқаро онлайн турнирда Шўртан газ кимё мажмуаси жамоаси ҳам иштирок этди
Жорий йилнинг 14 март куни Шахмат онлайн бизнес лигаси доирасида "Кимё ва нефткимё Кубоги "-2021 I Халқаро онлайн шахмат турнири бўлиб ўтди.
Алтай ўлкасининг "Спортико" компанияси томонидан нефт-кимё саноати корхоналари ўртасида ташкил этилган онлайн турнирда "Шўртан газ кимё мажмуаси" МЧЖ, Қозоғистон Республикасининг "Карачаганак Петролиум Оперейтинг", Россия Федерациясининг «Газпромнефть – Битумные материалы», "Киришинефтеоргсинтез", "Новосибирский механический завод Искра", "Уральский электрохимический комбинат", "Омсктехуглерод", "Уфаоргсинтез", "ГалоПолимер Пермь", "Уралкалий", "Метафракс", "Уралоргсинтез", "КАУСТИК", "Волжский Оргсинтез" "Нефтеперерабатывающий завод НК Роснефть Комсомольский", "Ангарский завод полимеров", "Саянскхимпласт", "Азот", "Томскнефтехим", "Галополимер кирово-чепецк", "Тольяттикаучук", "Ярославль-Резинотехника", Научно-проектный центр "Акрон инжиниринг", "Щёлково Агрохим", "Невинномысский азот" ҳамда шу каби бир қатор корхоналарнинг жамоалари иштирок этишди.
Бўлиб ўтган халқаро турнирда Шўртан газ кимё мажмуасининг Кўкаламзорлаштириш тармоғи ходими Искандар Кенжаев, Назорат ўлчов асбоблари ва автоматика цехи ходимлари Санжар Қодиров ҳамда Расул Умбаровлар 3 та доскада бир жамоа бўлиб иштирок этишди.
"Кимё ва нефткимё кубоги-2021" халқаро онлайн-турнирида қатнашиб, шахмат доналарини сурган мажмуа жамоасининг мухлислари масофадан туриб ўз жамоасини қўллаб-қувватлаб туришди.
"Кимё ва нефткимё кубоги-2021" I Халқаро онлайн-турнири натижалари:
Халқаро турнирнинг умумий натижаларига эътибор қаратадиган бўлсак, турнирда етакчилик қилган жамоалар мажмуа жамоасидан кичик фарқ билан устунликни қўлга киритишган.
Айниқса, иккинчи доска натижаларига кўра мажмуанинг Кўкаламзорлаштириш тармоғи ходими Искандар Кенжаевнинг кучли ўнликга кириши эътирофга лойиқдир. Шу ўринда таъкидлаб ўтиш жоизки, иккинчи доска натижасига кўра жамоамиз аъзоси Искандар Кенжаевдан устунликни Андрей Урбан, Александр Степаненков ҳамда Константин Дудинлар кичик фарқ билан қўлга киритишган.
Бу каби мусобақалар ортида, Шўртан газ кимё мажмуасида халқаро турдош корхоналар билан ўзаро ҳамкорликни ҳар бир соҳада янги босқичларга олиб чиқиш билан бир қаторда, юртимизнинг нефт ва газ соҳасида ҳар томонлама етук ва салоҳиятли ишчи-ходимлар меҳнат қилиб келаётганлигини кўришимиз мумкин.
"Шўртан газ кимё мажмуаси" МЧЖ Матбуот хизмати