Республикамиздаги алкоголь маҳсулотлари улгуржи савдоси учун лицензия биринчи тадбиркорлик субъектига топширилди
MoliyaPress
Тадбиркорлик фаолиятини қўллаб-қувватлаш мақсадида, жорий йилнинг 20 май санасида Ўзбекистон Республикаси Вазирлар Маҳкамасининг
301-сон қарори тасдиқланди. Қарорга асосан барча юридик шахслар алкоголь маҳсулотлари улгуржи савдо фаолияти билан шуғулланиш учун лицензия олиш имконияти яратилди.
Молия вазирлиги ҳузуридаги Алкоголь ва тамаки бозорини тартибга солиш инспекция томонидан Қорақалпоғистон Республикси Элликқальа туманида жойлашган “Ellikqal’a savdo” МЧЖга жорий йилнинг 3 июнь куни алкоголь маҳсулотлари улгуржи савдоси билан шуғулланиш хуқуқини берувчи биринчи лицензия расмийлаштирилди.
Лицензия талабгори томонидан жорий йилнинг 28 май куни Инспекцияга лицензия олиш учун хужжатлар (ариза, алкоголь маҳсулотларини сақлаш, қабул қилиш ва тарқатиш учун мўлжалланган биноси борлигини тасдиқловчи хужжат ҳамда устав фонди шакллантирилганлиги тўғрисида хужжат) тақдим этилган.
Инспекция томонидан қисқа муддатларда лицензия талабгорининг иштирокисиз туман фавқулодда вазиятлар бўлими, туман санитария-эпидемиологик осойишталик марказлари ва Молия вазирлигининг Ғазначилигидан сўраш йўли қўшимча маълумотлар олинди. Ваколатли органлар томонидан тақдим этилган ижобий хулосаларга асосан жорий йилнинг 3 июн санасида (ариза қабул қилинган кундан бошлаб 7 кун ичида) “Ellikqal’a savdo” МЧЖга лицензия расмийлаштирилди.
Алкоголь ва тамаки бозорини тартибга солиш инспекция алкоголь маҳсулотлари улгуржи савдоси учун лицензия олиш тартиби бўйича юзага келадиган саволлар бўйича қуйидаги телефон рақамлари ва электрон почта манзилларига мурожат қилишингиз мумкинлигини маълум қилади:
тел: (71) 244-19-95, (71)-244-41-12
e-mail: Info@atmi.uz, murojaat@atmi.uz