Respublikamiz bo‘ylab shaxmat turnirini e’lon qilamiz!
@alisher_sadullaev
Yoshlar ishlari agentligi, Sportni rivojlantirish vazirligi va “Sky chess” maktabi bilan hamkorlikda “Besh tashabbus olimpiadasi” doirasida respublikamiz bo‘ylab «Yoshlar ishlari agentligi kubogi» shaxmat turnirini e’lon qilamiz!
Turnir mahalla, sektor, tuman, viloyat va respublika bosqichlarida o‘tkaziladi. Bunda yoshidan qat’iy nazar barcha professional va havaskor shaxmatchilar ishtirok etishi mumkin. Turnir 18-apreldan mahallalarda boshlanadi.
Ushbu shaxmat turniridan asosiy maqsadimiz — kuchli shaxmat oʻynaydigan iqtidorlarni, ayniqsa, olis hududlardagi shaxmatchilarni kashf etish va ularni qoʻllab-quvvatlashdan iborat! Ishtirok etish uchun ro‘yxatdan o‘ting: @uzshaxmatbot
❗️Eslatma: Ro‘yxatdan o‘tish 17-aprelgacha davom etadi. Tanlovning nizomi, o‘tkazilish tartibi, mahalladagi yoshlar yetakchisining aloqa ma’lumotlari @uzshaxmatbot Telegram botida taqdim etilgan.