Referendum ótkeriw tártibi hám onıń huqıqıy tiykarları haqqında

Qanlıkól rayonı ádillik bólimi tárepinen Qaraqalpaqstan Respublikası ádillik ministri tárepinen 2023-jıl 23-mart kúni tastıyıqlanǵan “Qaraqalpaqstan Respublikası ádillik ministrligi sistemasındaǵı xızmetkerler tárepinen Ózbekstanda referendum ótkeriw tártibi hám onıń huqıqıy tiykarları haqqında mámleketlik organlar hám shólkemlerdiń juwapker xızmetkerlerine  jetkeriw boyınsha mánzilli úgit-násiyat ilajların shólkemlestiriw REJE-GRAFIK”ke tiykar 2023-jıl 27-mart kúni Qanlıkól rayonı Mektepke shekemgi bilimlendiriw bóliminde seminar ótkerildi.

Ilajda usı jıldıń 30-aprel mámleketimizde úlken siyasıy jarayan referendum ótkeriliwi belgilengenligi, 2001-jıl 30-avgust kúngi  265-II-sanlı Ózbekstan Respublikası referendumı haqqındaǵı Nızamnıń mazmun-mánisi, atap aytqanda Ózbekstan Respublikası referendumı túsinigi, referendum predmeti bolmaytuǵın máseleler, referendum ótkeriliwine bolmaytuǵın(istisno etadigan) halatlar, referendum ótkeriwdiń tiykarǵı principleri, referendumda qatnasıw huqıqı, referendumǵa tayarlıq kóriw hám ótkeriwde ashıqlıq hám áshkaralıq, referendum ótkeriw baslaması menen shıǵıw (tashabbus) huqıqı, múddetinen aldın dawıs beriw tártibi, referendum kúni dawıs beriw waqtı hám jeri, dawıs beriw tártibi hám nızamda kórsetilgen basqada huqıqıy normalar haqqında huqıqıy túsinikler berildi.

Qanlıkól rayonı ádillik bólimi