React JS
Nihat 「 FARZ 」Bu məqalədə sizlərə React JS nədir, nə işə yarayır onun haqqında danışacam. Xatırlatmaq istəyirəm ki, React JS haqqında olduqca geniş bir məqalə olmayacaq. Sadəcə React JS nədir nə işə yarayır onun haqqında danışacam. Ümüd edirəm ki, faydalı olar.
React JS nədir ?
React JS Facebook tərəfindən dinamik interfeyslər hazırlamaq üçün yaradılmış bir JavaScript framework-dür. React JS interfeysdəki bütün işləri ən sadə, sürətli və performanslı şəkildə görmək üçün yaradılmışdır. Biraz daha texniki baxımdan danışsaq React JS component-lərdən və Virtual DOM arxitekturasından istifadə edən bit front-end framework-dür.
Component nədir ?
Bir bütöv halda olar bir şeyin kiçik parcacıqlara ayrılmasına component deyilir. Misal insan bədəni və organları arasındakı bağlılıq kimi. React JS-də də buna component deyilir.
Bir web layihəsini hazırladığmızda bəzən olurki bir div elementini kopyalayıb digər səhifələrdə də işlədirik. Bu ilk başlarda sadə görünsədə sonralar layihə böyüdükdə kopyaladığımız elementləri idarə etmək heçdə sadə olmur. Misal olaraq bir elementi bir neçə səhifədə kopyalayıb istifadə etmişik deyə düşünək. Bir müddət sonra biz bu elementin içərsində hər hansı bir dəyişiklik etmək istədikdə məçbur olub bu elementi kopyaladığımız bütün səhifələrdə də dəyişiklik etməli olacıq. Buda vaxt itgisi və əlverişli üsul deyil. Bu kimi hallarda component-lərdən istifadə etmək ən doğrusudur. Yuxarda verdiyimiz misala birdə component-lərlə necə edərik ona baxaq. Bir component yaradıb div elementinidə onun içərsində yazıb və sonra bu componenti istifadə etmək istədiyimiz digər səhifələrdə çağırıb işlədə bilərik. Müəyyən zamandan sonra biz bu div elementində dəyişiklik etdik artıq o divə aid olan component-i çağırdığımız bütün səhifələrdə də dəyişikliklər baş tutacaq. Yeni biz bir yerdə dəyişiklik etdikdə o componenti istifadə etdiyimiz bütün səhifələrdə də bu dəyişikliklər baş tutacaq.
Virtual DOM nədir ?
DOM (Document Object Model) dediyimiz arxitektura web səhifələrinin HTML elementlərinin sıralı şəkildə birlikdə olmasına deyilir. Virtual DOM isə DOM-un key => value şəklində memory-də kopyalanmiş halıdır.
Virtual DOM-a misal olaraq DOM üzərində hər hansı bir dəyişiklik etdikdə bu dəyişikliyin ekranda görünməsi üçün bütün DOM yenidən render edilir ama işin içinə Virtual DOM girdikdə ilk öncə dəyişikliklər Virtual DOM-da qeydə alınır sonra isə DOM-a dəyişikliklər göndərildikdə Virtual DOM ilə DOM qarşılaşdırılır və yalnızca dəyişiklik olan hissə DOM-ə göndərilir. Bu haldada bütöv DOM render edilmir sadəcə dəyişiklik olan hissə render edilir. Buda bizə yüksək sürət verir və biz əlavə resurslardan istifadə etmirik.
React JS nə vaxt istifadə etməliyəm
React JS Virtual DOM arxitekturasını sürətli şəkildə istifadə etdiyi üçün DOM üzərində dəyişiklilərin çox olduğu layihələrdə rahatlıqla istifadə edə bilərsiniz. Yəni dəyişikliklərin daha çox interfeys-də olduğu layihələrdə istifadə edə bilərsiniz.
Bu yazında sizlərə React JS azda olsa nə işə yaradığından danışmağa çalışdım. Ümüd edirəmki faydalı bir mənbə olmuşdur. Oxuduğunuz üçün təşəkkürlər.